យល់ឧបាយឆ្ងាយអន្ទាក់

ការយកឈ្នះឧបសគ្គក្នុងជីវិតបាន ពុំមែនគ្រាន់តែប្រើចំណេះដឹងនិងសមត្ថភាពក្នុងការធ្វើការងារនោះទេប៉ុន្តែឧបសគ្គដ៏ធំនិងពិបាកយកឈ្នះជាទីបំផុតនោះគឺ មនុស្ស នេះឯងព្រោះមនុស្សម្នាក់ៗសុទ្ធតែមានខួរក្បាលមានបញ្ញា មានទាំងវិញ្ញាណល្អនិងវិញ្ញាណអាក្រក់ដែលមនុស្សតែងនាំគ្នាពោលថា អ្នកខ្លាំងជាងមនុស្ស គឺកំពូលមនុស្ស ព្រោះមនុស្សដែលអាចយកឈ្នះលើមនុស្សបានគឺទាល់តែអាចឈ្នះលើសសមត្ថភាពខួរក្បាលព្រមទាំងដៃទាំងពីរផងដែរ ។ 

សៀវភៅ យល់ឧបាយ ឆ្ងាយអន្ទាក់ មិនមែននិយាយអំពីវិធីការប្រើមនុស្សនោះទេ ប៉ុន្តែផ្តោតសំដៅទៅលើ ការចេះស្គាល់មនុស្សនិងការចេះទប់ទល់ជាមួយនិងឧបាយកលរបស់មនុស្ស ដែលយើងតែងជួបប្រទះក្នុងជីវីតនិងការងារប្រចាំថ្ងៃ ព្រមទាំងជាចំណេះដឹងជាមូលដ្ឋាន ក្នុងការឲ្យលោកអ្នកយល់ដឹងអំពីការប្រើមនុស្ស ដែលជាកត្តានាំទៅរកជោគជ័យក្នុងជីវីត ។