សិល្បៈចងមិត្ត បន្ទន់ចិត្តអ្នកដទៃ

ការភ្ជាប់ទំនាក់ទំនងជាមួយអ្នកដទៃ គឺជារឿងសំខាន់ដែលអ្នកត្រូវប្រឈមជាពិសេសបើអ្នកជាអ្នកជំនួញ...ពិតណាស់អ្នកត្រូវតែយកចិត្តទុកដាក់សូម្បីតែអ្នកជាមេផ្ទះ វិស្វករ ឬជាអ្វីក៏ដោយ..... ។

កាលពីឆ្នាំ ២០០៦​ មូលនិធិ ដេល កានេហ្ស៊ី នៅអាមេរិកបានធ្វើពិធីឆ្លងគម្រប់ខួប ៧០ឆ្នាំនៃសៀវភៅ How to Win Friend & Influence People ក្នុងឋានៈជាសៀវភៅដែលមានឥទ្ធិពលមួយលើលោក និងដែលលក់ដាច់ជានិរន្ត  ។ ជាមួយគ្នានេះ គ្រឹះស្ថានបោះពុម្ព Pearson Education បានប្រារព្ធពិធីអបអរសាទរដល់សៀវភៅនេះថាជាសៀវភៅដែលមានសារៈសំខាន់បំផុតក្នុងប្រវត្តិសាស្រ្តនៃវិស័យធុរកិច្ច ជាសៀវភៅដំបូង និងសៀវភៅដែលល្បីល្បាញបំផុតក្នុងបណ្តាសៀវភៅប្រភេទអភិវឌ្ឍខ្លួនឯង ( " Self-help " book ) 

គោលប្រតិបត្តិដែលណែនាំដោយ ដេល កានេហ្ស៊ី ធ្វើឲ្យអ្នកដែលបានអានសៀវភៅមួយនេះសម្រេចជោគជ័យក្នុងវិស័យការងារនិងជីវីតផ្ទាល់ខ្លួនរាប់មិនអស់មកហើយមួយក្នុងបណ្តាអ្នកទាំងនោះអាចជារូបអ្នកផងដែរ ។