តើស្តីមានផ្ទៃពោះត្រូវការគោរពលក្ខខណ្ឌអ្វីខ្លះ? ដល់ពេលប្រសូត្រ? ហើយលក្ខខណ្ឌនោះគេហៅថាអ្វី?

ស្ត្រីនៅពេលដែលមានផ្ទៃពោះត្រូវគោរពលក្ខខណ្ឌ៖

• កុំបរិភោគអាហារដែលមានជាតិហិរនាំឲ្យក្តៅក្រហល់ក្រហាយដល់កូនក្នុងផ្ទៃ
• កុំស្លៀកនូវសម្លៀកបំពាក់រឹតតឹងពេក នាំឲ្យចង្អៀតចង្អល់ដល់កូនក្នុងផ្ទៃ
• កុំឈោងយករបស់របរដែលនៅខ្ពស់ផុតពីដៃនាំឲ្យរបូតទងសុកពីមាត់កូន
• កុំបរិភោគបបរ ដែលនាំឲ្យកូនកើតមកមិនស្អាត
• កុំសម្រាន្តថ្ងៃ កុំងូតទឹកពេលយប់ នាំឲ្យកូនថ្លោសពិបាកប្រសូត្រ
• កុំអង្គុយមាតទ្វារ ឬមាត់ជណ្តើរខ្លាចកូនកើតមិនរួច
• កុំទៅសួរសុខទុក្ខអ្នកកើតកូនពិបាក
• កុំដេកដំអក់ ត្រូវរហ័សរហួនក្រោកមុនប្តី នាំឲ្យកូនកើតបានស្រួល
• កុំមើលសូរ្យគ្រាស ឬចន្ទគ្រាសនាំឲ្យកូនមានការភិតភ័យ ឬភ្ញាក់ផ្អើសដោយមហិទ្ធិឬទ្ធិរាហ៊ូ។

បញ្ជាក់លក្ខខណ្ឌទាំងនោះគេហៅថា “ត្រណម”។