តើប្រជាពលរដ្ឋត្រូវមានតួនាទី និងភារកិច្ចធ្វើអ្វីខ្លះដើម្បីអោយការបោះឆ្នោតក្រុមប្រឹក្សាឃុំ-សង្កាត់ប្រព្រឹត្តទៅបានល្អ?

ដើម្បីអោយការបោះឆ្នោតក្រុមប្រឹក្សាឃុំ-សង្កាត់ប្រព្រឹត្តិទៅបានល្អ ប្រជាពលរដ្ឋត្រូវមានតួនាទី និងភារកិច្ចដូចតទៅ៖

• អប់រំគ្នាទៅវិញទៅមកពីនីតិវិធីនៃការបោះឆ្នោត និងរបៀបជ្រើសរើសអ្នកដឹកនាំ ឬតំណាងអោយបានត្រឹមត្រូវ
• ផ្តល់ពត៍មានផ្សេងៗដែលទាក់ទងទៅនឹងការបោះឆ្នោតដល់មិត្តភក្តិ និងបងប្អូនអោយបានជ្រាប។
• តាមដានរាល់សកម្មភាពរបស់បេក្ខជន-គណបក្ស ក្នុងយុទ្ធនាការឃោសនាបោះឆ្នោត។
• ចូលរួមបោះឆ្នោត និងណែនាំអ្នកដែលគ្រប់អាយុបោះឆ្នោត អោយទៅបោះឆ្នោតតាមឆន្ទៈរបស់ខ្លួន(បោះឆ្នោតដោយសំងាត់)។
• ជួយពិនិត្យ និងផ្តល់ពត៍មានអំពីភាពមិនប្រក្រតីនៅពេលចុះឈ្មោះបោះឆ្នោត ពេលយុទ្ធនាការ ការឃោសនាថ្ងៃបោះឆ្នោត និងរាប់សន្លឹកឆ្នោត អ្នកសង្គេតការណ៏ជាតិ និងភ្នាក់ងារគណបក្ស។