តើអ្វីជាទស្សនវិជ្ជា?

ពាក្យទស្សនវិជ្ជាជាបញ្ញត្តិដែលមានន័យទូលំទូលាយណាស់ក្នុងការសិក្សា ប៉ុន្តែយើងអាចកំណត់ន័យរបស់វាតាមរយៈអ្នកប្រាជ្ញដូចខាងក្រោម៖

• តាមវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានពន្យល់ថា ទស្សនវិជ្ជាគឺជាវិជ្ជាដែលកើតឡើងដោយទស្សនៈ ជាវិទ្យាសាស្ត្រចែងអំពីគោលកាណ៍សំខាន់ៗ និងបុព្វហេតុផ្សេងៗ ឬអំពីជីវិតនៃមនុស្ស និងសត្វ។
• ឯជនក្រិចនិយាយថា ពាក្យទស្សនវិជ្ជា (Philosophy) មកពីពាក្យ Philia ដែលមានន័យថា "សេចក្ដីស្រឡាញ់" និងពាក្យ Sophia មានន័យថា "គតិបណ្ឌិត ឬពុទ្ធិ"។ ហើយអាចនិយាយថា ទស្សនវិជ្ជាគឺជាការស្រឡាញ់គតិបណ្ឌិត ឬពុទ្ធិ។
• ចំណែកលោកអារីស្តូតបានឱ្យនិយមន័យ ទស្សនវិជ្ជាគឺជាការគិតដែលការគិតនោះមានគោលបំណងខ្ពស់បំផុតទាក់ទងទៅនឹងសច្ចភាពនៃបទពិសោធដែលមានតម្លៃនានា។
• ឯលោក ប៊ីតថល (Bittle) និយាយថាទស្សនវិជ្ជាគឺជាវិទ្យាសាស្រ្តស្ដីពីភាវៈទាំងឡាយនៅក្នុងហេតុ មូលហេតុ ព្រមទាំងគោលការណ៍ចុងក្រោយបំផុតទាំងពួងដែលបានមកពីជនួយនៃវិចារណញ្ញាណរបស់មនុស្សតែមួយគត់។ ទស្សនវិជ្ជាជាវិទ្យាសាស្រ្តព្រោះវាផ្អែកលើពុទ្ធិ មិនមែនគ្រាន់តែផ្អែកលើមតិយោបល់ ទ្រឹស្ដី ឬសម្មតិកម្មនោះទេ។