គេតែងពោលថា “លោកគ្រូ អ្នកគ្រូ ជាវិស្វករ ព្រលឹង”។ ចូរបកស្រាយ។

ពន្យល់ថា “លោកគ្រូ អ្នកគ្រូ ជាវិស្វករ ព្រលឹង”។

វិស្វករ មានន័យជាអ្នកសាងសង់។

ព្រលឹង មានន័យថាជាវិញ្ញាណដែលស្ថិតនៅក្នុងខ្លួនមនុស្ស។ មនុស្សគ្មាព្រលឹង ប្រាកដជាក់ជាស្លាប់មិនខាន។

គ្រូបង្រៀន ត្រូវបានគេចាត់ទុកថា ជាវិស្វករព្រលឹងមានន័យថា គ្រូបង្រៀនខុសពីមន្ត្រីរាជការឯទៀត។ វិស្វករព្រលឹង របស់គ្រូគឺសម្តៅលើតួនាទីរបស់គ្រូក្នុងការកសាងមនុស្សឲ្យក្លាយទៅជាអ្នកមានព្រលឹង ពោលគឺមនុស្សដែលមានចំណេះដឹងជ្រៅជ្រះប្រកដដោយមនសិការ សីលធម៍ និងគុណធម៍។ ឯវិស្វករសំណង់មានតួនាទីជាអ្នកសាងសង់នូវអាគារ ស្ពាន សាលារៀន ផ្លូវថ្នល់ជាដើម។ ការសាងសង់ អាគារស្ពានធំៗវាមានភាពងាយស្រួលជាងការកសាងបណ្តុះបណ្តាលធនធានមនុស្ស ព្រោះរាល់វត្ថុដែលយកមកប្រើប្រាស់សុទ្ធតែជាវត្ថុដែលគ្មានវិញ្ញាណ។ ផ្ទុយទៅវិញចំពោះគ្រូបង្រៀនពិតមានការលំបាកណាស់ក្នុងការបណ្តុះបណ្តាលមនុស្សឲ្យមានធនធាន។ មនុស្សមានធនធាន៦យ៉ាងគឺ៖

• ចំណេះដឹង
• ជំនាញ
• សីលធម៍
• បំណិនប្រសព្វ
• បញ្ញា
• កាយសម្បទាមាំមួន

ម្យ៉ាងវិញទៀតគ្រួបង្រៀនប្រសិនបើអប់រំមនុស្សខុស គឺខុសមួយជីវិតនេះជាគ្រោះថ្នាក់ដ៏ធំបំផុតសម្រាប់អាជីពជាគ្រូបង្រៀន។ ដូច្នេះគ្រូបង្រៀនត្រូវតែមានបម្រុងប្រយ័ន្នខ្ពស់ក្នុងការអប់រំមនុស្សទើបសក្តិសមទៅនឹងពាក្យថា “គ្រូបង្រៀនជាវិស្វករ”