៩ចំនុចនៃកូនអាត្មានិយម

១. អាចចំណាយពេលពេញមួយថ្ងៃក្នុងការ ឆាត និយាយទូរស័ព្ទ ដើរលេងជាមួយសង្សារឬមិត្ដភ័ក្ដ តែពេញមួយសប្ដាហ៍មិនដែលខលទៅសួរសុខទុក្ខឪពុកម្ដាយសូម្បីតែម្ដង។

២. ចែករំលែករាល់ទុក្ខសោករបស់ខ្លួនលើបណ្ដាញសង្គម អស់ពីរឿងមួយដល់រឿងមួយទៀត ប៉ុន្ដែតើយូរប៉ុនណាហើយដែលអ្នកមិនបានអង្គុយជជែកលេងជាមួយឪពុកម្ដាយ ដើម្បីសួរនាំថាគាត់ចង់បានអី?

៣. ពេលអស់លុយ នឹកដល់ឪពុកម្ដាយមុនគេ ប៉ុន្ដែពេលមានលុយ ក៏ទុកលោកទាំងពីរនៅក្រោយគេ។ តើពេលចាយលុយម្ដងៗ មានដែលគិតដល់ញើសឈាមដែលពួកគាត់ខំរកទេ?

៤. ពេលខូចចិត្ដរឿងស្នេហា មិត្ដភ័ក្ដិមិននៅក្បែរ ក៏គិតថាខ្លូនជាមនុស្សឯកាបំផុតក្នុងលោក ប៉ុន្ដែពេលឪពុកម្ដាយយកចិត្ដទុកដាក់ចំពោះអ្នក បែរជាចាត់ទុកនេះជាការរំខាន គួរឲ្យធុញទ្រាន់។

៥. ដឹងថាខ្លួនកាន់តែធំពេញវ័យ តែមានដែលសម្គាល់ទេថា ឪពុកម្ដាយក៏កាន់តែចាស់ទៅហើយដែរ លោកក៏ត្រូវការការមើលថែពីអ្នក។

៦. នាំរឿងក្ដៅក្រហាយពីខាងក្រៅចូលផ្ទះ មានរឿងមិនសប្បាយចិត្ដ ក៏ប្រើសម្ដីធំតូចដាក់ឪពុកម្ដាយ ។

៧. គិតថាឪពុកម្ដាយមិនដែលយល់ពីអ្នក ចុះមានដែលហ៊ាននិយាយត្រង់ៗទៅកាន់ពួកគាត់ឬអត់?

៨. តែងចាត់ទុកទំនាក់ទំនងខាងក្រៅសំខាន់ជាង ទាំងភ្លេចថាឪពុកម្ដាយក៏ត្រូវការការយកចិត្ដទុកដាក់ពីអ្នក។

៩. ព្រោះតែក្ដីសុខខ្លួនឯងជាមួយប្ដី/ប្រពន្ធ ហើយចាត់ទុកឪពុកម្ដាយជាអម្រែករបស់គ្រួសារ រួចក៏បោះបង់លោកទាំងពីរចោល អោយរស់វេទនា ខ្វះទីជម្រក និងភាពកក់ក្ដៅ។

ប្រភព : Knowledge Cambodia