ប្រទសកម្ពុជាបានចុះហត្ថលេខាចូលជាភាគីនៃអនុសញ្ញាស្ដីពីសិទ្ធិកុមារ នៅថ្ងៃទី២០ ខែកញ្ញា ឆ្នាំ១៩៩២។ តើសិទ្ធិសំខាន់ៗ ១០ប្រការរបស់កុមារនៅក្នុងឯកសារនោះមានអ្វីខ្លះ?

សិទ្ធិសំខាន់ៗទាំង ១០ ប្រការរបស់កុមារគឺ​:

១-សិទ្ធិមានឈ្មោះមួយ

២-កុមារដែលកើតពីម្ដាយឥតខាន់ស្លាមានសិទ្ធិដូចគ្នានឹងកុមារដែលកើតពីឪពុកម្ដាយក្នុងភាពជាប្ដីប្រពន្ធពេញលេញ

៣-សិទ្ធិទទួលការសិក្សា រួមទាំងការសិក្សានៅកម្រិតបឋមសិក្សាដោយចាំបាច់ និងឥតបង់ថ្លៃ

៤-សិទ្ធិទទួលនូវការបណ្ដុះបណ្ដាលដោយវិជ្ជាជីវៈកម្មសិក្សាដោយឥតបង់ថ្លៃ

៥-សិទ្ធិ (នៃយុវជនដែលត្រូវបានចាប់ខ្លួន) ទទួលបានការអប់រំណែនាំឱ្យបានល្អប្រសើរឡើងវិញ

៦-សិទ្ធិរួចផុតពីការកាត់ទោសប្រហារជីវិត

៧-សិទ្ធិទទួលកិច្ចការពារមិនឱ្យគេបោះបង់ចោល មិនឱ្យមានអំពើឃោរឃៅ និងមិនឱ្យមានការកេងប្រវ័ញ្ចមកលើខ្លួន

៨-សិទ្ធិទទួឡកិច្ចគាំពារកុំឱ្យគេប្រើមុនអាយុអប្បបរមាសម្រាប់ការងា គឺត្រូវមានច្បាប់ការពារកុំឱ្យមានការជួលកុមារក្រោមអាយុធ្វើការ

៩-សិទ្ធិមានឱកាសសម្រាប់ការសម្រាក និងកម្សាន្ត សង្គម និងរដ្ឋត្រូវបង្កលក្ខណៈឱ្យក្មេងៗមានឱកាសលេងកម្សាន្តដើម្បីឱ្យរីកចម្រើនរាងកាយ និងប្រាជ្ញាស្មារតី

១០-សិទ្ធិទទួលសេវាកម្មខាងសង្គមកិច្ច គឺសង្គមនិងរដ្ឋត្រូវយកចិត្តទុកដាក់ជាពិសេសដល់កុមារ និងយុវជន ក្នុងការរស់នៅរបស់គេក្នុងសង្គម