សំណួរ-ចម្លើយ ការគ្រប់គ្រងការិយាល័យ (ភាគ៤)

សំណួរ

១៦- តើកិច្ចសន្យាជួលជាមួយជម្រើសទិញគឺជាអ្វី ?

១៧- តើមានវិធីសាស្ត្រយ៉ាងដែលផ្តល់នូវការថែទាំឧបករណ៍ ?

១៨- តើព័ត៌មានអ្វីខ្លះអំពីឧបករណ៍នីមួយៗដែលត្រូវការរក្សាសម្រាប់ការគ្រប់គ្រងសារពើភ័ណ្ឌ ?

១៩- តើមានកត្តាអ្វីខ្លះដែលត្រូវវាយតម្លៃឲ្យបានហ្មត់ចត់មុននឹងជ្រើសរើសគ្រឿងសង្ហារឹមការិយាល័យ ?

២០- តើគ្រឿងសង្ហារឹមជាប្រព័ន្ធមានលក្ខណៈសំគាល់អ្វីខ្លះ ?

ចម្លើយ

១៦- កិច្ចសន្យាជួលជាមួយជម្រើសទិញ គឺជាអ្នកជួលតាមកិច្ចសន្យាមានជម្រើសក្នុងការទិញឧបករណ៍ នៅពេលដំណាច់នៃកិច្ចសន្យាជួល ឬនៅពេលណាមួយកំពុងជួលតាមកិច្ចសន្យា ។ តាមធម្មតាកិច្ចសន្យាជួលមានរយៈពេលស្មើនឹងរយៈពេលនៃជីវិតប្រើប្រាស់នៃឧបករណ៍ ។ ចំនួនទឹកប្រាក់ដែលបង់ដោយអ្នកជួលតាមកិច្ចសន្យា ជាធម្មតាអនុវត្តចំពោះថ្លៃទិញនៃឧបករណ៍នោះ ។ អង្គភាពខ្លះប្រើជម្រើសនេះ ដើម្បីកំណត់ថាតើឧបករណ៍នោះឆ្លើយតបនឹងតម្រូវការរបស់ខ្លួនកម្រិតណាមុននឹងធ្វើការសម្រេចចិត្តទិញឬជាវ ។

១៧- តាមធម្មតា មានវិធីសាស្ត្របីយ៉ាង ដែលផ្តល់នូវការថែទាំឧបករណ៍ ៖

• កិច្ចសន្យាជួសជុលថែទាំ
• មូលដ្ឋាននៃការហៅ
• នាយកដ្ឋានជួសជុលថែទាំក្នុងអង្គភាព ។

១៨- ព័ត៌មានអំពីឧបករណ៍នីមួយៗដែលត្រូវការរក្សាសម្រាប់ការគ្រប់គ្រងសារពើភ័ណ្ឌមានដូចជា ៖

• លេខស៊េរីនៃគ្រឿងឧបករណ៍សម្ភារៈនោះ
• កាលបរិច្ឆេទទិញឬជួល
• ចំណាយទិញឧបករណ៍នោះ
• ជីវិតប្រើប្រាស់នៃឧបករណ៍
• ការរំលស់ប្រចាំឆ្នាំ
• តម្លៃកត់ត្រានៃឧបករណ៍នោះ
• ទីតាំងនៃគ្រឿងនីមួយៗនៃឧបករណ៍
• លេខគ្រប់គ្រងសារពើភ័ណ្ឌ ដាក់សម្រាប់ឧបករណ៍នីមួយៗ
• ចំណាយលើការជួសជុលឧបករណ៍ ។

១៩- កត្តាដែលត្រូវវាយតម្លៃឲ្យបានហ្មត់ចត់មុននឹងជ្រើសរើសគ្រឿងសង្ហារឹមការិយាល័យមានដូចជា ៖

• ការប្រើគ្រឿងសង្ហារឹមនោះដើម្បីធ្វើអ្វី
• ការសមស្របគ្រឿងសង្ហារឹម ទៅនឹងការតុបតែងនៃការិយាល័យពីព្រោះការិយាល័យត្រូវការតុបតែងច្រើនដងនៅក្នុងអំឡុងជីវិតនៃសង្ហារឹមនោះ
• ភាពតម្រូវទៅតាមអ្នកប្រើប្រាស់ កៅអី ឬតុការិយាល័យអាចដាក់ទម្រេតនៅពេលមានការនឿយហត់
• ភាពប្រើបានច្រើនយ៉ាងនៃសង្ហារឹម
• ភាពជាប់មាំបានយូរនៃសង្ហារឹម ។
• កម្រិតឋានានុក្រមនៃអ្នកប្រើគ្រឿងសង្ហារឹម ពីព្រោះសង្ហារឹមខ្ហះមានលក្ខណៈកិត្យានុភាពច្រើនជាងសង្ហារឹមខ្លះទៀត ។
• ទំហំនៃសង្ហារឹមធៀបនឹងទំហំនៃបន្ទប់
• តម្លៃបង្ការអគ្គិសនីនៃសង្ហារឹម ។

២០- គ្រឿងសង្ហារឹមជាប្រព័ន្ធមានលក្ខណៈសំគាល់ដូចជា ៖

• ការរៀបចំដាច់ដោយឡែក (modular design)
• ការរៀបចំអាចចល័តបាន (portable design)
• ការរៀបចំតាមមុខងារ (functional design)
• Ergonomics design

តភាគ