បើចង់ឱ្យមនុស្សម្នាក់ក្លាយជាពលរដ្ឋល្អ មានសមត្ថភាព និងមានប្រយោជន៍ដល់សង្គមជាតិ តើគេត្រូវយកចិត្តទុកដាក់ទៅលើអ្នកណាមុនគេ? យកចិត្តទុកដាក់បែបណាខ្លះ?

បើចង់ឱ្យមនុស្សម្នាក់ក្លាយជាពលរដ្ឋល្អ មានសមត្ថភាព និងមានប្រយោជន៍ដល់សង្គមជាតិ គេត្រូវយកចិត្តទុកដាក់ទៅលើជាពិសេសកុមារ គឺគិតតាំងពីមុននិងក្រោយពេលកុមារកើត។ ការយកចិត្តទុកដាក់ជាពិសេសទៅលើកុមារគឺការយកចិត្តទុកដាក់ទាំងក្នុងជីវភាពជាក់ស្តែង ទាំងផ្នែកច្បាប់ដើម្បីការពារថែទាំ និងបង្កលក្ខណៈឱ្យកុមារបានរីកលូតលាតល្អទទួលបានការអប់រំល្អ និងទទួលបានការសំរាកកំសាន្ត សប្បាយដែលមានប្រយោជន៍។ ជួយបញ្ចៀសកុមារពីគ្រោះមហន្តរាយផ្សេងៗ ដូជជាគ្រោះថ្នាក់ធម្មជាតិ ជំងឺតម្តាក់នានា និងអំពើហិង្សាជាពិសេសសង្គ្រាម។