ចូរនិយាយពីឥទ្ធិពលព្រហ្មញ្ញសាសនាមកលើសង្គមខ្មែរ និងសីលធម៍?

ឥទ្ធិពលព្រហ្មញ្ញសាសនាមកលើសង្គមខ្មែរ និងសីលធម៍៖ ព្រហ្មញ្ញសាសនាមកលើសង្គមខ្មែរ និងសីលធម៍តាមរយៈប្រវត្តិសាស្ត្រយើងបានដឹងរួចរាល់ហើយថា ព្រហ្មញ្ញសាសនាបានចាក់ឬស នៅក្នុងសង្គមខ្មែរយើងមានតាំងពីស.វទី១នៃគ.សមកម្លេះ។ ហើយវាចេះតែមានការវិវត្តរីកចំរើនរហូតមកដល់សម័យអង្គរដែលជាសម័យកាលមួយដ៏រុងរឿងបំផុតនៅក្នុងប្រវត្តសាស្ត្រខ្មែរ។ ឥទ្ធិពលព្រហ្មញ្ញសាសនាបានបង្កើតជាសំនួរផ្សេងៗ ចាក់ឬសគុលយ៉ាងមាំនៅក្នុងសង្គមខ្មែរ ចិត្តគំនិត ទំនោរមនោសាស្ត្រ មនោគម តាំងពីយូរលង់ណាស់មកហើយ រហូតមកដល់សព្វថ្ងៃ។ សារជាតិនៃព្រហ្មញ្ញសាសនា បានលាតត្រដាងយ៉ាងធំធេងលើវប្បធម៍ អរិយធម៍ខ្មែរបុរាណ ទៅលើវិស័យនយោបាយគ្រប់គ្រងសេដ្ឋកិច្ច សង្គមកិច្ច វប្បធម៍ និងវិស័យផ្សេងៗទៀត។ ឥទ្ធិពលនេះក៏បានសេសសល់ជាភស្តុតាងសំរាប់អោយអ្នកជំនាន់ក្រោយមកសិក្សា។