ក្នុងខណៈព្រះពោធិសត្វចុះចាប់បដិសន្ធិនោះ លោកធាតុទាំង១សែនចក្រវាឡកម្រើករំពើកញាប់ញ័រ មាននិមិត្ត៣២ប្រការកើតឡើងប្រាកដក្នុងខណៈនេះ។ តើនិមិត្តទាំងនោះមានអ្វីខ្លះ?

និមិត្តទាំងនោះមាន៖

• ពន្លឺរកប្រមាណមិនបានផ្សាយពេញ១សែនចក្រវាឡ
• មនុស្សងងឹតភ្នែក មានពន្លឺមើលឃើញបាន
• មនុស្សថ្លង់ អាចស្តាប់បាន
• មនុស្សគ អាចនិយាយបាន
• មនុស្សខ្វិន អាចដើរបាន
• សត្វជាប់ចំណងរួចផុតពីចំណងបាន
• ភ្លើងក្នុងនរករលត់
• ពួកសត្តមិនមានសេចក្តីស្រេកឃ្លាន
• សត្វតិរច្ឆានមិនមានសេចក្តីខ្លាចគ្នា
• ជម្ងឺរបស់សត្វទាំងពួងជាសះស្បើយ
• សេះទាំងទ្បាយស្រែកសម្រែកដ៏ពិរោះ
• ដំរីទាំងឡាយបញ្ចេញសម្លេងស្រែកឡើង
• តន្ត្រីគ្រប់ប្រភេទ បញ្ចេញសំឡេង គឹកកងដោយខ្លួនឯង
• កងដៃរបស់មនុស្សប៉ះទង្គិចគ្នាបញ្ចេញសំឡេងយ៉ាងពិរោះ
• គ្រប់ទិសទាំងអស់មានសភាពច្បាស់ល្អមិនស្រអ័ព្ទ
• ខ្យល់ត្រជាក់បក់មកធ្វើឲ្យមានសេចក្តីសុខដល់សព្វសត្វ
• ភ្លៀងមិនត្រូវកាលធ្លាក់ចុះមក
• ទឹកផុះចេញអំពីផែនដីចុះមក
• សត្វមិនមានលើអាកាស
• ទឹកស្ទឹងឈប់នឹងថ្កលមិនហូរ
• ទឹកមហាសមុទ្រមានរសផ្អែម
• ផ្កាបទុម៥ប្រភេទផុសរីកដេរដាសពេញទឺកគ្រប់កន្លែង
• ផ្កាឈើគ្រប់ប្រភេទទាំងលើគោកទាំងក្នុងទឹកក៏រីកឡើង
• ផ្កាបទុមប្រភេទដើមក៏រីកតាមដើម
• ផ្កាបទុមប្រភេទមែកក៏រីកតាមមែក
• ផ្កាបទុមប្រភេទវល្លិក៏រីកតាមវល្លិ
• ផ្កាបទុមប្រភេទធាង ជ្រែកផ្ទៃសិលាចេញជាផ្កាមួយរយជាន់
• ផ្កាបទុមប្រភេទសំយ៉ុងចុះក៏បានកើតឡើង
• ភ្លៀងផ្កាក៏ធ្លាក់ចុះពីលើអាកាស
• តន្ត្រីដ៏ជាទិព្វក៏បញ្ចេញសូរសៀងសម្លេងយ៉ាងពិរោះ។