ក្នុងសង្គមប្រជាធិបតេយ្យ គេបានបែងចែកអំណាចសំខាន់ៗជា៣គឺ ។ តើអំណាចទាំងនោះមានប្រៀបលើគ្នាដូចម្តេចខ្លះ? ចូរបញ្ជាក់។

ក្នុងសង្គមប្រជាធិបតេយ្យ គេបានបែងចែកអំណាចសំខាន់ៗជា៣ គឺអំណាចនីតិបញ្ញត្តិ អំណាចនីតិប្រតិបត្តិ អំណាចតុលាការ  ឬអំណាចនីតិវិនិឆ្ឆ័យ។

ក. អំណាចនីតិបញ្ញត្តិ ( រដ្ឋសភា-ព្រឹទ្ធសភា )៖ មានតួនាទីតាក់តែងច្បាប់និងអនុម័តច្បាប់។

• អំណាចនីតិប្រតិបត្តិ ( រដ្ឋាភិបាល )៖ មានតួនាទីជាអ្នកអនុវត្តច្បាប់ និងក្រឹត្យ។
• អំណាចតុលាការ ឬអំណាចនីតិវិនិឆ្ឆ័យ ( អង្គចៅក្រម )៖ តំណាងដោយសាលាជំនុំជំរះក្តី និងរកយុត្តិធម៌ជូនសង្គមមនុស្ស។

អំណាចទាំងបីនេះពុំមានអំណាចណាមួយទៅជំនួសអំណាចដទៃទៀតបានឡើយទោះក្នុងករណីណាក៏ដោយ។

ខ. ប្រៀបអំណាចរបស់រដ្ឋសភា លើរដ្ឋាភិបាល៖

• សភាមានអំណាចអនុម័តលើការតែងតាំងគណៈរដ្ឋមន្ត្រី ដែលប្រមុខរដ្ឋាភិបាលបានស្នើឡើង
• សភាជាអ្នកសម្រេចលើគម្រោងថវិកាចំណាយ ដែលរដ្ឋាភិបាលបានដាក់ស្នើ
• សភាមានអំណាចដកហូតបុណ្យស័ក្តិមន្ត្រីណាមួយដែលប្រព្រឹត្តខុស(សមាជិករដ្ឋាភិបាល)។

• ប្រៀបអំណាចរបស់រដ្ឋាភិបាល លើសភា
• រដ្ឋាភិបាលមានអំណាចចាប់ខ្លួនសមាជិកសភាណាដែលប្រព្រឹត្តបទល្មើសព្រហ្មទណ្ឌជាក់ស្តែង។

+ប្រៀបអំណាចរបស់រដ្ឋាភិបាល លើអំណាចតុលាការ

• រដ្ឋាភិបាលមានសិទ្ធិអំណាចលើកលែងទោស ឬសម្រាលទោសឱ្យទណ្ឌិត
• រដ្ឋាភិបាលមានសិទ្ធិអំណាចចាប់ខ្លួនចៅក្រមណាដែលប្រព្រឹត្តល្មើស។

+ប្រៀបអំណាចតុលាការ លើរដ្ឋាភិបាលៈ

• តុលាការមានអំណាចចោទប្រកាន់ និងវិនិច្ឆ័យទោសចំពោះសមាជិក ឬប្រមុខរដ្ឋាភិបាលប្រព្រឹត្តខុសច្បាប់

+ប្រៀបអំណាចរបស់តុលាការ លើរដ្ឋសភាៈ

• តុលាការមានអំណាចចោទប្រកាន់ និង វិនិច្ឆ័យទោសចំពោះសមាជិកសភាណាដែលប្រព្រឹត្តល្មើស។

+ប្រៀបអំណាចរបស់សភា លើ តុលាការៈ

• ឧត្តមក្រុមប្រឹក្សាធម្មនុញ្ញមានអំណាចប្រកាសបដិសេធច្បាប់ ឬ សេចក្តីព្រាងច្បាប់ ដែលខ្វះធម្មនុញ្ញភាព។

សន្និដ្ឋានៈ អំណាចទាំងបីនៅដាច់ដោយឡែកពីគ្នាហើយមានប្រៀបលើគ្នាទៅវិញទៅមក និង មានអន្តរកម្ម ពោលគឺមានទំនាក់ទំនង និងត្រួតពិនិត្យគ្នាទៅវិញទៅមកក្នុងគោលដៅតែមួយ គឺបម្រើជាតិប្រជាជន។