ចូរនិយាយពីគុណសម្បត្តិនៃទំនោររបស់បុគ្គល។

គុណសម្បត្តិនៃទំនោររបស់បុគ្គល គឺ

• កម្រិតចំណាស់នៃទំនោរ :​ សំដៅទៅរកអត្ថន័យសង្គមនៃបំណងប្រាថ្នាដែលជាមូលដ្ឋាននៃបុគ្គលម្នាក់ៗ ហើយក៏ជាការស្ដែងចេញនូវ កម្រិតមនោគមវិជ្ជា និងរូបភាពសីលធម៌របស់បុគ្គលដែរ។
• ទំហំទំនោរ : ជាវិស័យក្នុងក្របខណ្ឌមួយដែលទំនោររបស់មនុស្សមានលទ្ធភាពបង្កើតបាននូវអ្វីតាមបំណងប្រាថ្នា។
• ឥទ្ធិពលនៃទំនោរ : គឺជាកម្លាំងនៃទំនោររបស់បុគ្គល ដែលស្ដែងចេញឱ្យឃើញជារឿយៗ នៅក្នុងការប្រែក្លាយទំនោរឱ្យទៅជាការលំអៀងមួយដ៏ធំធេងឆ្ពោះទៅរកឆន្ទៈភ្ញាក់រឭករហូតដល់មានបំណងប្រាថ្នាសកម្មនិងជំនឿស៊ប់។
• ស្ថិរភាពនៃទំនោរតាមទស្សនៈសីលធម៌ : គឺជាស្ថិរភាពនៃមនោគមវិជ្ជា ដែលទប់ស្កាត់បុគ្គលមិនឱ្យមានភាបឃ្លីឃ្លោង និងមិនឱ្យមានទំនាស់សីលធម៌ក្នុងខ្លួនផ្ទាល់។
• ប្រសិទ្ធភាពរបស់ទំនោរ :​ ប្រសិទ្ធភាបរបស់តំនោរស្ដែងចេញឱ្យឃើញនៅក្នុងឥរិយាបថវិជ្ជមានរបស់បុគ្គល នៅពេលដែលគេសម្រេចបានតាមបំណង និងសេចក្ដីប្រាថ្នា។ ប្រសិទ្ធភាពនៃទំនោរបែបនេះធ្វើឱ្យមានការផ្លាស់ប្ដូរមនោគមវិជ្ជារបស់បុគ្គលដើម្បីឈានទៅរកភាពទាន់សម័យ។

គុណសម្បត្តិនៃទំនោររបស់បុគ្គល គឺជា «ប្រព័ន្ធរង្វាស់វាស់វែងតម្លៃផ្លូវចិត្ត និងសកម្មភាពរបស់មនុស្ស»។ បុគ្គលម្នាក់នឹងក្លាយជាពលរដ្ឋល្អ និងជោគជ័យក្នុងឆាកជីវិត លុះត្រាតែគេមានទំនោរដែលប្រកបដោយគុណសម្បត្តិត្រឹមត្រូវ គឺ៖ មានប្រយោជន៍ដល់សង្គម កម្រិតចំណាស់ មានចំណេះដឹងទូលាយ មានការតាំងចិត្តខ្ពស់ ឥទ្ធិពល មានចិត្តស្មោះត្រង់មិនវង្វេង ស្ថិរភាព និងបង្កើតបានជាលទ្ធផលការងារពិតប្រាកដ ប្រសិទ្ធភាព។

ចម្លើយសង្ខេបខ្លី