តើត្រូវមានលក្ខខណ្ឌអ្វីខ្លះទើបអាចមានសញ្ជាតិជាខ្មែរបាន?

ដើម្បីមានសញ្ជាតិជាខ្មែរ ត្រូវមានលក្ខខណ្ឌដូចជា៖

ទោះនៅទីណាក៏ដោយ

• កូនមានខាន់ស្លាដែលកើតពីឪពុកឬម្តាយដែលមានសញ្ជាតិជាខ្មែរ។
• កូនឥតខាន់ស្លាដែលកើតពីឪពុកឬម្តាយមានសញ្ជាតិខ្មែរទទួលស្គាល់។
• កូនដែលឪពុកម្តាយមិនទទួលស្គាល់តែបើតុលាការចេញសាលក្រមថាកូននោះពិតជាកើតពីឪពុក ឬម្តាយដែលមានសញ្ជាតិជាខ្មែរ។

ជនដែលកើតនៅក្នុងព្រះរាជាណាចក្រកម្ពុជា

• កូនដែលកើតពីឪពុក ឬម្តាយបរទេសដែលកើតនិងរស់នៅស្របច្បាប់នៅក្នុងព្រះរាជាណាចក្រកម្ពុជា
• កូនដែលកើតពីម្តាយឪពុកមិនស្គាល់និងកូនទើបនឹងកើតដែលគេរើសបាន នៅក្នុងព្រះរាជាណាចក្រកម្ពុជា។

ជនបរទេសសុំចូលសញ្ជាតិខ្មែរបាននៅពេលដែល

• ជននោះកើតនៅក្នុងព្រះរាជាណាចក្រកម្ពុជា រយ៉ពេលស្នាក់នៅជាប់ចំនួន៧ឆ្នាំ។
• ជនបរទេសដែលទទួល លិខិតអនុញ្ញាតឱ្យវិនិយោគពីក្រុមប្រឹក្សាអភិវឌ្ឃន៍កម្ពុជា ដែលបានចំណាយទុន ចាប់ពី ១២៥០ ០០០ ០០០ ឡើងទៅ។
• ជនបរទេសដែលពុំបានទទួលលិខិតអនុញ្ញាតពីក្រុមប្រឹក្សាអភិវឌ្ឃន៍កម្ពុជាតែទទួលបានការអនុញ្ញាតត្រឹមត្រូវតាមច្បាប់ និងបានចំណាយទុនវិនិយោគចាប់ពី ១២៥០ ០០០ ០០០ ឡើងទៅ។
• ជនបរទេស ដែលបានអំណោយជាប្រាក់ដល់ថវិការជាតិ សម្រាប់អភិវឌ្ឃន៍កម្ពុជា ចាប់ពី ១ ០០០ ០០០ ០០០ រៀលឡើងទៅ អាចសុំសញ្ជាតិជាខ្មែរបានស្របតាមច្បាប់សញ្ជាតិ។
• ជនបរទេសដែលបង្ហាញភស្តុតាង ថាខ្លួនបានផ្តល់គុណសម្បត្តិពិសេស ជាប្រយោជន៍ដល់ប្រទេសកម្ពុជាអាចធ្វើពាក្យសុំចូលសញ្ជាតិខ្មែរបាន។