Point Center Login Help
Sovisal

2022-02-11 08:20

About money

699 Views

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

#លុយជាផ្នែកមួយដ៏សំខាន់ក្នុងជីវិត

 

ក្នុងសម័យបច្ចុប្បន្ន លុយអាចទិញបានរបស់ស្ទើរគ្រប់យ៉ាងក្នុងពិភពលោក។ ហេតុនេះហើយ បានជាមនុស្សក្នុងសម័យនេះ ប្រឹងប្រែងធ្វើការខ្លាំងជាងអតីតកាលទ្វេដង គឺដើម្បីរកលុយមកផ្គត់ផ្គង់ការចាយវាយប្រចាំថ្ងៃនេះឯង។ បើគ្មានលុយ គឺពិតជាពិបាករស់នៅបន្តិចហើយ។

 

យើងអាចថាលុយមិនអាចទិញសុភមង្គលបាន តែគ្រួសារជាច្រើនឈ្លោះបែកបាក់គ្នាក៏ដោយសាររឿងលុយនេះឯង។

 

យើងអាចថាលុយមិនអាចទិញចំណេះដឹងបាន តែបើយើងមានលុយ យើងអាចចូលរៀនសាលាល្អៗ អាចទិញសៀវភៅល្អៗអាន អាចជួលគ្រូល្អៗមកបង្រៀនយើងដើម្បីទទួលបានចំណេះដឹង។

 

យើងអាចថាលុយមិនអាចទិញពេលវេលាបាន តែបើយើងមានលុយយើងអាចជួលមនុស្សយកមកធ្វើការងារជំនួសយើងចំណេញពេលវេលារាប់ពាន់ម៉ោង។

 

យើងអាចថាលុយមិនអាចទិញសុខភាពបាន តែពេលយើងឈឺបើគ្មានលុយប្រហែលដេកស្លាប់នៅផ្ទះមិនខាន។

 

យើងអាចថាលុយមិនអាចទិញការគោរពបាន តែបើអត់លុយក៏គ្មាននរណាចង់រាប់អានដែរ។

 

យើងអាចថាលុយមិនអាចទិញអ្វីគ្រប់យ៉ាងបាន តែរបស់គ្រប់យ៉ាងសុទ្ធតែត្រូវការទិញដោយលុយ។

 

លុយជាផ្នែកមួយដ៏សំខាន់ក្នុងជីវិត ការខិតខំរកលុយគ្មានអ្វីខុសឆ្គងឡើយសម្រាប់មនុស្សម្នាក់ៗ ឱ្យតែយើងរកដោយសុចរិត ទៀងត្រង់ មិនធ្វើឱ្យអ្នកដទៃឈឺចាប់ និងចេះគ្រប់គ្រាន់តាមគោលដៅដែលខ្លួនបានកំណត់។ ថ្វីដ្បិតតែយើងកើតមកទទេ ស្លាប់ទៅវិញទទេ ក៏ប៉ុន្តែយើងក៏មិនគួររស់នៅដោយការខ្ជិលឡើយ ព្រោះបើយើងមានលុយ យើងអាចជួយមនុស្សនិងសង្គមបានច្រើនផ្នែកណាស់។

 

……………………………….


 

រូបភាព ៖ PINTEREST


Reference:

ពុយ ស៊ីដេត



×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login