ចូលអត្ថាធិប្បាយពីចំណុចអវិជ្ជមាននិងវិជ្ជមាននៃរបបអាណានិគមនិយមបារាំង។

របបអាណានិគមនិយមបារាំងមានទាំងគុណសម្បត្តិនិងគុណវិបត្តិចំពោះកម្ពុជា

+គុណសម្បត្តិ

-ជួយការពារថែរក្សាទឹកដីខ្មែរនិងពូជសាសន៍ខ្មែរ

-ការពារពីការឈ្លានពានរបស់បណ្ដាបច្ចាមិត្តយួននិងសៀម

-ធ្វើកំណែទម្រង់លើកម្ពុជាគ្រប់វិស័យដូចជារដ្ឋបាលពន្ធដារ និងសេដ្ឋកិច្ច ជាដើម

-តាមរយៈសាលាចុងបូព៌ាបានបង្កើតនិងចងក្រងអារិយធម៌ខ្មែរ

-ជួសជុល ថែរក្សាប្រាំងប្រាសាទបុរាណខ្មែរ

-បង្កើតសារមន្ទីរដើម្បីផ្ទុកវត្ថុ បុរាណរបស់ខ្មែរ

-ក្នុងនាមជាអាណាព្យាបាលខ្មែរបារាំងបានទាមទារយកខេត្តដែលសៀមឈ្លានពានមកអោយខ្មែរវិញ រួមមានខេត្តត្រាត កោះកុង ព្រៃម្លូ សេរីសោភ័ណ្ឌ បាត់ដំបង សៀមរាបជាដើម

-គូរផែនទីមានឈ្មោះថា ដងរ៉ែក ទុកជាប្រយោជន៍សម្រាប់កម្ពុជា ផែនទីនេះធ្វើឲ្យកម្ពុជាឈ្នះក្ដីដឹងក្នុងរឿងក្ដីប្រាសាទព្រះវិហារ

-បារាំងបានជួសជុលកសាងផ្លូវថ្នល់ ស្ពានអាកាសមន្ទីរពេទ្យ សារមន្ទីរ ហេដ្ឋារចនាសម្ព័ន្ធសង្គម សាលារៀននិងបណ្ដុះបណ្ដាលធនធានមនុស្ស

-បារាំងបានធ្វើកំណែទម្រង់រដ្ឋបាលប្រព័ន្ធសេដ្ឋកិច្ចអប់រំសន្ធិការរៀបចំសង្គមខ្មែរអោយបានមានរបៀបរៀបរយមានសណ្តាប់ធ្នាប់មានការរីកចម្រើនល្អប្រសើរជាងមុន

-បារាំងបានលុបបំបាត់របបទេសភាព ( វណ្ណៈទាសករ)

-បង្កើតកម្មសិទ្ធិដីធ្លីទាសករក្នុងការប្រកបរបរធ្វើកសិកម្ម

+ចំណុចអវិជ្ជមាន

-បារាំងបានធ្វើឲ្យមានគម្លាតរវាងអ្នកមាននិងអ្នកក្រអ្នកទីក្រុងនិងអ្នកជនបទ

-បារាំងបានធ្វើឲ្យប្រជារាស្ត្រខ្មែរកាន់តែក្រីក្រឡើងក្រីក្រឡើងដោយសារការពារពន្ធដារយ៉ាងធ្ងន់ធ្ងរសព្វគ្រប់សារពើ 

-បារាំងបានគេនាំយកប្រជារាស្រ្តខ្មែរទៅច្បាំងក្នុងសង្រ្គាមលោកលើកទីមួយនិងលោកលើកទី 2

-បារាំងបានធ្វើឲ្យប្រជារាស្ត្រខ្មែរបែកបាក់គ្រួសារដោយសារស្លាប់ក្នុងភ្លើងសង្គ្រាម

-បារាំងបានធ្វើឱ្យប្រជារាស្រ្តខ្មែររងទុក្ខវេទនាខ្លោចផ្សារក្នុងចិត្តដោយសារតែការធ្វើបាបជិះជាន់

-បារាំងបានធ្វើទុកបុកម្នេញលើអ្នកនយោបាយខ្មែរស្នេហាជាតិដូចជាក្រឡាហោមគង់ អាចារ្យស្វា ជាដើម

-បារាំងបានប្រមូលយកកេតនភ័ណ្ឌខ្មែរទៅស្រុកបារាំង

-បារាំងកាត់ទឹកដីខ្មែរឲ្យប្រទេសជិតខាងស្រេចតែចិត្ត ក្នុងនោះកាត់ខេត្តត្រាតឲ្យទៅសៀម 

-ថ្ងៃទី 31 ខែមករាឆ្នាំ 1939 ដាក់បញ្ចូលកោះត្រល់ក្នុងដែនដីកូសាំងស៊ីនរបស់បារាំង

-នៅថ្ងៃទី 4 ខែមិថុនាឆ្នាំ 1949 បារាំងបានកាត់ដែនដីកូសាំងសុីន (កម្ពុជាក្រោម)ឲ្យទៅស្ដេចបាវដាយវៀតណាម

បើមានកន្លែងណាខ្វះខាតសូមជួយណែនាំផង សូមអរគុណ