តើមនុស្សនិងសត្វមានទំនោរដូចគ្នាទេ?

យើងអាចនិយាយបានថា មនុស្សនិងសត្វមានទំនោរដូចគ្នា គឺទាំងមនុស្សនិងសត្វសុទ្ធតែមានទំនោរសរីរាង្គដូចគ្នា ប៉ុន្តែបើវិភាគអៅយបានស៊ីជម្រៅទៅទៀត នោះឃើញថាទំនោរសរីរាង្គដែលមានដូចគ្នានេះ មានលក្ខណៈតិចតួចណាស់ព្រោះទំនោរសត្វជាទំនោរសរីរាង្គសុទ្ធសាធ ប៉ុន្តែចំពោះមនុស្ស ទំនោរសរីរាង្គនេះពុំមែនជាទំនោរសរីរាង្គសុទ្ធសាធទេ ព្រោះទំនោរសរីរាង្គរបស់មនុស្សតែងតែវិវត្តិទៅតាមសង្គម ដោយសារមនុស្សជាភាវសង្គម រីឯទំនោរសរីរាង្គរបស់សត្វជាទំនោរតាមបែបងងឹតងងុល ដូចជាសភាវគតិរក្សានិងការស្រេកឃ្លានជាដើម។ ដូចនេះអាចថាជាទំនោរសត្វមានលក្ខណៈដូចទំនោរ មនុស្សតែលក្ខណៈដូចនេះមានតិចតួចណាស់ ហើយលក្ខណៈខុសគ្នាច្រើន។