ធម្មនុញ្ញភាព នៃសេចក្ដីព្រាងច្បាប់

ខ្ញុំមិនដឹងថា តើក្រុមប្រឹក្សាអ្នកច្បាប់នៅគណរដ្ឋមន្ត្រី មានជុំនាញរដ្ឋធម្មនុញ្ញជម្រៅប៉ុនណាទេ។ ក៍ប៉ុន្តែខ្ញុំជឿថា អង្គភាពដែលជុំនាញខ្ពស់បំផុតអំពីរដ្ឋធម្មនុញ្ញនោះ គឺ ក្រុមប្រឹក្សាធម្មនុញ្ញ។ អំណាចនិតិបញ្ញត្តិក៍មានជុំនាញក្នុងធម្មនុញ្ញភាពនៃសេចក្ដីព្រាងច្បាប់ មិនអាចប្រដូចបានទៅនឹង ក្រុមប្រឹក្សាធម្មនុញ្ញដែរ។ ម្យ៉ាងវិញទៀត អំណាចនិតិបញ្ញត្តិហាក់ដូចជាបោះបង់សមត្ថកិច្ចធ្វើសេចក្ដីព្រាងច្បាប់ដែរ តើនឹងឲ្យ "ពិនិត្យ" និងអនុម័តសេចក្ដីព្រាងច្បាប់ ហើយជឿជាក់ថាសេចក្ដីព្រាងច្បាប់នោះមានធម្មនុញ្ញភាពម្ដេចកើត។​ សេចក្ដីព្រាងច្បាប់ កាលណាចេញពីគណរដ្ឋមន្ត្រី សមតែធ្វើដំណើរទៅក្រុមប្រឹក្សាធម្មនុញ្ញសិន រួចសឹមទៅរដ្ឋសភា ដើម្បី "ពិនិត្យ" និងអនុម័ត។