ចាប់ផ្តើមថ្ងៃថ្មី! ព្រោះវាគឺជាឱកាសដ៏ល្អបំផុតសម្រាប់យើង ដោយសារតែជីវិតគឺជាការរៀនសូត្រដែមិនមានថ្ងៃបញ្ចប់។

ពេលខ្លះវាអាចនឹងធ្វើឱ្យយើងខ្សោះកម្លាំង បាក់ទឹកចិត្ត ឈឺចាប់ សម្រក់ទឹកភ្នែក អស់សង្ឃឹម ជាដើម។ ប៉ុន្តែទោះជាយ៉ាងណាសូមយើងកុំសំងំយកនូវរឿងរ៉ាវទាំងនោះទុកក្នុងចិត្តយូរពេកអី ព្រោះវេលាក្នុងការចាប់ផ្តើមជាថ្មីសម្រាប់យើង មិនមែនយើងជាអ្នកកំណត់ឡើយ។

រឿងខ្លះនៅពេលដែលយើងព្យាយាមឈ្វេងយល់ពីវា វាក៏រឹតតែធ្វើឱ្យយើងមិនយល់។ គ្រាន់តែយើងព្រមទទួលយករឿងរ៉ាវដែលកើតមានឡើងឱ្យបាន ហើយបន្តដំណើរទៅមុខទៀត វាក៏មិនមានអ្វីដែលធ្វើឱ្យយើងខ្វាយខ្វល់ទៀតដែរ។

ត្រូវចាំថា ជីវិតគឺជាការតស៊ូ កុំរអ៊ូ កុំអស់សង្ឃឹម ត្រូវតែរឹងមាំ ហើយឈ្វេងយល់គ្រប់រឿងរ៉ាវក្នុងជីវិតទាំងអស់។ ដោយហេតុថាយើងត្រូវនៅជាមួយនឹងពេលវេលាដែលនៅសល់សម្រាប់ជីវិតរបស់យើងឱ្យបាន ហើយដោយមានក្តីសុខមុនវិនាទីចុងក្រោយ។

អត្ថបទដោយ: ខ្លឹមសារ-KlemSa