អារម្មណ៍ដែលគិតថាខ្លួនឯងជាមនុស្សដែលមិនពូកែ វានៅតែមានជាប់នឹងខ្លួនខ្ញុំជានិច្ច

អារម្មណ៍ដែលគិតថាខ្លួនឯងជាមនុស្សដែលមិនពូកែ វានៅតែមានជាប់នឹងខ្លួនខ្ញុំជានិច្ច។ ក៏ដឹងច្បាស់ថាមិនគួរក្នុងការគិតអវិជ្ជមានបែបនេះ តែឲ្យធ្វើយ៉ាងម៉េចបាន បើវាមិនមែនជារឿងងាយស្រួលដែលត្រូវមកបោកខ្លួនឯង ហើយត្រូវក្លែងធ្វើជាមើលមិនឃើញជាមួយនឹងការពិតនោះ។

បើទោះបីជាធ្លាប់មានអារម្មណ៍ឈឺចាប់ជាមួយការគិតបែបនេះនៅពេលខ្លះក៏ដោយ ប៉ុន្តែថ្ងៃនេះនៅពេលដែលស្គាល់ថា អ្វីទៅដែលហៅថាមិនពូកែ និងអ្វីទៅដែលហៅថាការមើលរំលង ខ្ញុំបែរជាសប្បាយចិត្តទៅវិញ។

ថ្ងៃនេះនៅពេលដែលខ្ញុំចាប់ផ្តើមមើលទៅវាម្តងទៀត ហើយក៏មានអារម្មណ៍ថាការឈឺចាប់ទាំងប៉ុន្មានវាបានចាកទៅពីចិត្តមួយនេះ។ អាចមកពីខ្ញុំយល់ ហើយទទួលយកនូវអារម្មណ៍មួយនេះបានថា បើទោះបីជាខ្ញុំមិនពូកែពិតមែន ក៏ដោយចុះ តែខ្ញុំក៏អាចស្កប់ស្កល់នៅពេលដែលបានសាកល្បងវា ហើយនៅចុងបញ្ចប់បើទោះបីជាខ្ញុំចាញ់ ក៏នៅតែសប្បាយ និងថ្លែងអំណរសាទរទៅដល់អ្នកដទៃដែលគេឈ្នះ។

អត្ថបទ: ខ្លឹមសារ-KlemSa