ព្រានសៀវភៅទាំងបីប្រភេទ

១. លក្ខណ:ព្រានសៀវភៅទីមួយជាមនុស្សដែលស្រឡាញ់និងចូលចិត្តការអានសៀវភៅ មិនថានៅកន្លែងណា គេតែងតែយកសៀវភៅទៅជាមួយជានិច្ច។ អានសៀវភៅមិនរើសទីកន្លែងមិនរើសពេលវេលា យកចិត្តទុកដាក់គ្រប់ចំណុចដែលអានមិនឲ្យរំលងមួយចំណុចណាឡើយ ហើយថែមទាំងគូរទុកនូវចំណុចដេលពិសេសៗសម្រាប់ចំណាំនៅក្នុងសៀវភៅរបស់ខ្លួន។

២. ព្រានសៀវភៅប្រភេទទីពីរជាប្រភេទមនុស្សដែលស្រឡាញ់សៀវភៅខ្លាំង ប៉ុន្តែមិនមែនគ្រប់ចំណងជើងសៀវភៅទាំងអស់អាចក្នុងការទាក់ចិត្តគេឡើយ។ សៀវភៅដែលគេនឹងអានត្រូវតែជាសៀវភៅដែលប្លែក និងមានចំណងជើងដែលមើលទៅគួរឲ្យចាប់អារម្មណ៍ខ្លាំងបំផុត ហើយគ្រប់សៀវភៅដែលគេស្រឡាញ់ គេត្រូវតែជម្នះយកវាមកអានដើម្បីឈ្វេងយល់ឲ្យបានមិនថាត្រូវចំណាយពេលវេលាយូរប៉ុនណាក៏ដោយ។

៣. ព្រានសៀវភៅប្រភេទទីបីដែលអ្នកគួរតែប្រុងប្រយ័ត្នបំផុត គឺជាប្រភេទមនុស្សដែលចាប់អារម្មណ៍គ្រប់ចំណងជើងសៀវភៅ គេចូលចិត្តទិញសៀវភៅ ទិញមិនចេះស្កប់ស្កល់ ហើយគេក៏ទិញសៀវភៅជាច្រើនគ្រប់ចំណងជើង គ្រប់រសនិយម មិនថាជាប្រភេទប្រលោមលោកខ្មែរឬបរទេស សៀវភៅទស្សន:ផ្សេងៗដទៃទៀត គេគឺមានវាទាំងអស់។ ព្រានសៀវភៅប្រភេទនេះ គេមានសៀវភៅច្រើនរាប់មិនអស់ មើលទៅគួរឲ្យស្ងើចសរសើរ ហើយគេក៏តែងតែយកសៀវភៅដាក់តាមខ្លួនដែរ គឺគេយកមកតាមខ្លួនដើម្បីជាក្តីសុខរបស់គេប៉ុណ្ណោះមិនមែនយកមកអានឡើយ។ ហើយគ្រប់ចំណងជើងសៀវភៅដែលគេមានស្ទើរតែរាប់មកអស់នោះ មានត្រឹមតែពីរ ឬបីក្បាលនោះទេដែលគេអាន ក្រៅពីនោះគេគ្រាន់តែទិញវាមកដើម្បីតែដាក់តាំងក្នុងបន្ទប់របស់គេទេ។

អត្ថបទ: ខ្លឹមសារ-KlemSa