ក. ចូររាប់ឈ្មោះឲ្យបានចំនួន ៥សម្រាប់សកម្មភាពនីមួយៗ។ ខ. តើប្រជារាស្រ្ដ និងសង្គមខ្មែរបានទទួលផលប្រយោជន៍អ្វីខ្លះ ពីសកម្មភាពទាំងនោះ? គ. តើអ្នកមានជំហរបែបណា ចំពោះស្នាដៃទាំងឡាយខាងលើបុព្វបុរសយើង?

ក. រាប់ឈ្មោះសកម្មភាពនីមួយៗ៖

• ល្បែងប្រជាប្រិយៈ បោះអង្គុញ ចោលឈូក ទាញព្រ័ត្រ ស្ដេចចង់ លាក់កន្សែង ចាប់កូនខ្លែង ចត្រង្គ គ្របមាន់ ចោះប្រមាត់ បាយខុំ លាក់កូនកាស លាក់ធ្យូង បក់ចាប លោតមឹក លោតអន្ទាក់ អោបត្រឡាច ខ្លាខំគោ...។
• របាំប្រជាប្រិយៈ រាំវង់ រាំក្បាច់ សារ៉ាវ៉ាន ឡាំលាវ ចូកកំពឹស ប្រឹន របាំខ្មែរលើ ឆៃយុំា ត្រុដិ...។
• របាំប្រពៃណីៈ គោះត្រឡោក គោះអង្រែ នេសាទ ក្ងោកទន្សោង កន្ដែរ៉ែ កាប់ក្របីផឹកស្រា របាំជូនពរ ភួងនារីអប្សរា ទេពមនោរម្យ បួងសួង មេខលា មហោរី ព្រាបសផ្លឹត...។
• កីឡាៈ សីដក់ វាយកូនគោល ប្រណាំងរទេះសាឡី សេះបង្ហោះខ្លែង អុំទូក ហ៊ឹង ប្រដាល់ (គុណដាវ ដំបង ចំបាប់ លំពែង ល្បុកតោ...)។

ខ. ផលប្រយោជន៍នៃសកម្មភាពនីមួយៗ៖

• សុខភាពរាងកាយ និង សុខភាពសង្គម ទន់ភ្លន់ រហ័សរហួន ធន់នឹងការហត់ រាងកាយសមសួន កម្លាំងពលីមាំមួន បញ្ចេញជាតិពុលអស់ពីខ្លួន។
• បំបាត់អផ្សុក ចំណាយថាមពលសល់ចោលដោយអនុវត្តសកម្មភាពកំសាន្ដ លំហែ ដើម្បីបន្ធូរអារម្មណ៍ប្ដូរបរិយាកាស ញុំាងពិធីឲ្យកាន់តែអធិកអធម។
• ការពារខ្លួន ចំពោះផ្នែកយុទ្ធសាស្រ្ដ ក្បួនការពារខ្លួនការពារសហគមន៍ ការពារសង្គមជាតិ ពេលមានគ្រោះអាសន្ន សង្រ្គាម ឈ្លាសវៃក្នុងការដោះស្រាយបញ្ហាបង្កើតអាជីព។
• អប់រំផ្នែកសីលវិជ្ជា បង្វែរពីការកំសាន្ដដោយល្បែងស៊ីសងការប្រព្រឹត្ត អបាយមុខ អំពើពាលាអាវ៉ាសែ ដែលនាំផលអវិជ្ជមានដល់ខ្លួន មកជាការកំសាន្ដមានន័យ ចេះប្រើពេលទំនេរខុសត្រូវ សាមគ្គី សហការ ទម្លាប់រស់ជាក្រុម...។

គ. ជំហរស្នាដៃរបស់បុព្វបុរសយើងៈ

• ស្រឡាញ់អត្តសញ្ញាណជាតិ បេតិកភណ្ឌជាតិ ព្រលឹងជាតិសម្រាបើក្មេងស្រករក្រោយ បញ្ចៀសមនុស្សពីល្បែងពាលា...
• ថែរក្សាការពារ ស្រាវជ្រាវចងក្រងជាឯកសារ ទប់ស្កាត់ការហូរចូលនៃវប្បធម៌ (ស៊ីសង) បរទេស អនុវត្ត។