ចូរអ្នកបង្ហាញនិយមន័យអំពីអញ្ញត្រសព្ទ ។ ក្នុងចំណោមអញ្ញត្រសព្ទទាំងនោះយើងសង្កេតឃើញលក្ខណៈ ពិសេសប៉ុន្មានយ៉ាង ?

និយមន័យអញ្ញត្រសព្ទ

• អញ្ញត្រ ( និ.បា,សំ.អន្យត្រ ) ទីទៃ ទីទៃផ្សេងពីគ្នា ដោយឡែក ផ្សេងដោយឡែក  ។
• អញ្ញត្រសព្ទ ជាសព្ទដោយឡែក គឹជាពាក្យដែលគេសរសេរខុសពីសំឡេងនិយាយ ( ដើម្បីរក្សាបែបដើមឲ្យគង់នៅ ) ឬសូរអានឮផ្សេងពីសំឡេងអក្សរខ្មែរ ។
• អញ្ញត្រសព្ទប្រើតាមទម្លាប់ចាស់ព្រេងនាយសរសេរយ៉ាងនេះគេស្តីឲ្យក្លាយសូរសព្ទឃ្លានឆ្ងាយពីការសរសេរ
• ពាក្យអញ្ញត្រសព្ទជាពាក្យមានលក្ខណៈខុសប្លែងពីពាក្យឯទៀតៗ ដោយអក្ខរាវិរុទ្ធមិនចំណុះឲ្យសូរសំឡេង ។

លក្ខណៈពិសេសនៃអញ្ញត្រសព្ទ

ក្នុងចំណោមអញ្ញត្រសព្ទទាំងនោះយើងសង្កេតឃើញលក្ខណៈពិសេស៥យ៉ាងៈ

• ពាក្យទាំងនេះច្រើនតែក្លាយមកពីពាក្យបាលីនិងសំស្រ្កឹត
• យកសំឡេងអក្សរ ដ មកជំនួសសំឡេងអក្សរ ត ឧទាហរណ៍ៈ បីដា > បិតា ។
• យកស្រៈ ែ មកជំនួសស្រៈ េ ឧទាហរណ៍ៈ ចែដី > ចេតិយ
• យកព្យញ្ជនៈសំឡេង អ៊ មកជំនួសសំឡេង អ ឧទាហរណ៍ៈ ធរនី > ធរណី , ប្រពៃនី > ប្រពៃណី
• យកព្យញ្ជនៈសំឡេង អ​ មកជំនួសសំឡេង អ៊ ឧទាហរណ៍ៈ ឡិច > លិច

រៀបចំអញ្ញត្រសព្ទខ្លះៗដែលមានប្រើប្រាស់នៅក្នុងភាសាខ្មែរសព្វថ្ងៃៈ

អ្នក ( នាក់ ), នោះ ( នុះ ) ,នេះ ( និះ ) ,បណ្ឌិត ( បន់ ឌិត ) , ក្សិណ ( ខ្សឹន ) , កុរ ( កោរ ) , តេមិយ ( តេ មៃ ) , ព័ត៌មាន ( ព័រ ដ៏ មៀន ) , បេតី ( ប៉ែត តី ) , ពិត ( ពីត ) ,​ចេស្តា ( ចែស ស្តា ) , មិគសិរ ( មាក់ គាក់ សេ ) , ធនិត ( ធាក់ នីត), សម្តេច ( សំដាច់ ) ស្នេហា ( ស្នែ ហា ) , ហឹរ ( ហេ័រ ) , ហេតុ ( ហែត ) ... ។