ប្រពៃណីទំនៀមទំលាប់

 សំណួរ

១. ចូរបង្ហាញពីអត្ថន័យសំខាន់ៗ ដែលទាក់ទងនឹងប្រពៃណីទំនៀមទំលាប់ខ្មែរ ?

• តួនាទីសាមីខ្លួនខាងប្រុសមុនពេលមង្គលការ។
• តូនាទីឪពុកម្ដាយខាងប្រុស ខាងស្រីមុនពេលមង្គលការ។​​​​​ 

 ២. តើទស្សនៈរបស់ពូស្វាយ មីងពត​ អាចចាក់ទុកទស្សនៈតាងឲ្យមាតាខ្មែរបានដែរឬទេ? ព្រោះអ្វី? ហើយទស្សនៈនេះជាទស្សនៈវិជ្ជមាន ឬ អវិជ្ជមាន? 

៣. បើតាមទស្សនៈរបស់អ្នកនិពន្ធ បានបង្ហាញឲ្យឃើញពីផ្លូវអាណាចក្រ និង ពុទ្ធចក្រ តើការបង្ហាញបែបនេះបានជិះឥទ្ធ‌‌ពលទៅលើផ្នត់គំនិតខ្មែរយ៉ាងណាខ្លះ? ហេតុអ្វី?         

៤.បើផ្អែកទៅតាមដំណើររឿងនេះ គេអាចចាត់ទុកជាអក្សរសិល្ប៍បែបអ្វី? ចូរអ្នករកអំណៈអំណាងគាំទ្រ ។  

៥. ចូរបង្ហាញពី លក្ខណៈជាតិ លក្ខណៈមនុស្ស លក្ខណៈសង្គម តាមរយៈរឿងខាងលើនេះ ។

៦.​ ចូរអ្នកធ្វើការសិក្សាពីសង្គមបរិយាកាស និងគំនិតអ្នកនិពន្ធក្នុងការលើកយក តថភាពនាសម័យអាណានិគម មកឆ្លុះបញ្ជាំង។

                              ​                                                                                                                                                      ចម្លើយ

១. អត្ថន័យសំខាន់ៗ ដែលទាក់ទងនឹងប្រពៃណីទំនៀមទំលាប់ខ្មែរ

• តួនាទីសាមីខ្លួនខាងប្រុសមុនពេលមង្គលការ​​ មុនពេលរៀបមង្គលការ កូនប្រុសត្រូវទៅនៅបម្រើខាងផ្ទះខាងស្រី។ ការងារមួយចំនួនកូនប្រុសត្រូវរ៉ាប់រង ដូចជាភ្ជួរ រាស់ ដក ស្ទូង ពុះអុស រែកទឹក និងការងារមួយចំនួនទៀតដែលចាំបាច់ ។ ការទៅនៅបម្រើបែបនេះ គឺដើម្បីរំលេកកិច្ចការខ្លះដល់គ្រួសារខាងស្រី ។
• តូនាទីឪពុកម្ដាយខាងប្រុស ខាងស្រីមុនពេលមង្គលការ ឪពុកម្ដាយទាំងសងខាង ត្រូវលៃលករកភស្ដុភារផ្សេងៗដើម្បីត្រៀមលក្ខណៈ ក្នុងថ្ងៃរៀបមង្គលការ ។

២. ទស្សនៈរបស់ពូស្វាយ មីងពត​ អាចចាក់ទុកទស្សនៈតាងឲ្យមាតាខ្មែរបាន ព្រោះទស្សនៈរបស់ទាំងពីរ គឺជាទស្សនៈទូលំទូលាយ មានព្រោះសុទិដ្ឋិនិយម ។ ដោយពួកគាត់យល់ឃើញថា លឹម និងនាងហេង ជាគូដណ្ដឹងជាមួយគ្នាទៅហើយ ទោះមាននរណាមកចែចូវកូនរបស់ពួកគាត់ទៀតក៏គាត់មិនព្រមដែរ ទោះផ្ដល់ជូនគាត់នូវមាសប្រាក់ របស់របររច្រើនយ៉ាងណាក៏ដោយ ។ ទស្សនៈនេះជាទស្សនៈវិជ្ជមាន ។

៣ . បើតាមទស្សនៈរបស់អ្នកនិពន្ធ បានបង្ហាញឲ្យឃើញពីផ្លូវអាណាចក្រ និង ពុទ្ធចក្រ។ ការបង្ហាញបែបនេះបានជិះឥទ្ធ‌‌ពលយ៉ាងខ្លាំងផ្នត់គំនិតខ្មែរ មានជំនឿទៅលើបុណ្យបាបកម្មផលជាដើម ។ ខ្មែរតែងតែមានផ្នត់គំនិតថា អំពើដែលពួកគេបានកសាងដូចម្ដេច នឹងហុចផលឲ្យនៅជាតិនេះដូច្នោះដែរ ។ ប៉ុន្ដែក៏មានអ្នកខ្លះយល់ឃើញផ្សេងពីនេះដែរ ដោយគេយល់ឃើញថាទុក្ខវេទនារបស់មនុស្ស មិនមែនដោយសារសាងពីជាតិមុននោះទេ គឺដោយសារតែការជិះជាន់ កេងប្រវ័ញ្ចពីសំណាក់អ្នកមានអំណាច ។

៤. បើផ្នែកទៅតាមដំណើររឿងនេះ គេចាត់ទុកថាជាអក្សរសិល្ប៍ ខេមរនិយមបែបទំនើប ដោយសារតែរឿងនេះបានឆ្លុះបញ្ចាំងអំពីជីវភាពរស់នៅរបស់មនុស្ស  ពិតជាក់់ស្ដែង​ក្នុងសង្គម ហើយរឿងនេះបានបង្ហាញពីទស្សនៈជឿនលឿនតាមរយៈតួអង្គលឹម ។    

៥.បង្ហាញពី លក្ខណៈជាតិ លក្ខណៈមនុស្ស លក្ខណៈសង្គម តាមរយៈរឿងខាងលើ

• លក្ខណៈជាតិ ​

 រឿងនេះឆ្លុះបញ្ចាំពីបញ្ហាមនុស្ស សង្គមជាតិ​នឹងជីវភាពរស់នៅរបស់ប្រជាជនខ្មែរពិតៗ នាសម័យអាណានិគមនិយមបរទេស

• លក្ខណៈមនុស្ស  រឿងនេះគឺសុទ្ធទែនិយាយ និងឆ្លុះបញ្ចាំងពីបញ្ហា របស់មនុស្សសុទ្ធសាធដែលមាននៅក្នុងសង្គមជាក់ស្ដែងនាសម័យកានោះ
• លក្ខណៈសង្គម  រឿងនេះបានឆ្លុះបញ្ចាំពីសង្គមមួយ ដែលពោរពេញដោយការកៀបសង្កត់ជិះជាន់អ្នកទន់ខ្សោយ ជាពិសេសប្រជារាស្រ្តក្រីក្រ និងស្លូតត្រង់ ពីសំណាក់អ្នកមានអំណាច និងប្រាក់។

៦.សង្គមបរិយាកាស និងគំនិតអ្នកនិពន្ធក្នុងការដលើយក តថភាពនាសម័យអាណានិគម រឿងនេះឆ្លុះបញ្ចាំងអំពីទុកវេទនារបស់ប្រជារាស្រ្ត ដែលស្ថិតក្រោមការគ្រប់គ្រង់របស់អាណានិគម បារាំង និងជប៉ុន និងការធ្វីទុក្ខបុកម្នេញ ពីសំណាក់អ្នកមានអំណាច និងពួកវាយអែបស៊ីអបទៀតផង ។ ប្រជាជនខ្មែរត្រូវបានគេ កេណ្ឌយកទៅធ្វើជាគូលី ដើម្បីធ្វើព្រលាយយន្តហោះ បម្រើឲ្យពួកហ្វាស៊ីសជប៉ុន ។