មាតាបិតាមានកាតព្វកិច្ចចិញ្ចឹមថែរក្សាកូនចៅជាពលរដ្ឋល្អ ។កូនចៅមានករណីកិច្ច ចិញ្ចឹមមាតាបិតាដែលចាស់ជរាតាមទំនៀមទម្លាប់ខ្មែរ ។ ចូរពន្យល់ឲ្យបានក្បោះក្បាយ ។

មាតាបិតាមានកាតព្វកិច្ចចិញ្ចឹមថែរក្សាកូនចៅជាពលរដ្ឋល្អដោយ៖

• ត្រូវចិញ្ចឹមថែរក្សាកូន មានព្រហ្មវិហារធម៌ចំពោះកូន
• អប់រំកូនឲ្យប្រព្រឹត្តតែអំពើសុចរិត សច្ចៈ ទៀងទាត់
• អប់រំកូនឲ្យចេះគោរពសមាជិកគ្រួសារតាមឋានៈ ចេះគោរពចាស់ព្រឹទ្ធាចារ្យ
• ត្រូវធ្វើជាគំរូល្អ និងផ្តល់ភាពកក់ក្តៅដល់កូន ធ្វើឲ្យកូនមានទំនុកចិត្តលើយើង
• ស្វែងរកអនាគតឲ្យពួកគេ ( ផ្តល់ចំណេះដឹងទ្រព្យសម្បត្តិ រៀបចំគ្រួសារ )​។

កូនមានករណីកិច្ចចិញ្ចឹមមាតាបិតាដែលចាស់ជរាតាមទំនៀមទមា្លប់ខ្មែរ៖

• បុត្រធីតាជាអ្នកមានតញ្ញូតវេទី
• បុត្រធីតាជាអ្នកធ្វើកិច្ចការជំនួស
• បុត្រធីតាជាអ្នកលើវង្សាត្រកូលដែលខ្សត់ខ្សោយ
• បុត្រធីតាជាអ្នកខ្វល់ខ្វាយក្នុងការធ្វើកុសលឧទ្ទិសជូនលោកនៅពេលលោកចែកឋានទៅ ។