រឿងសម្រាប់អ្នកដែលធ្លាប់បាត់បង់របស់អ្វីមួយ!

មានថ្ងៃមួយ ប្រធានាធិបតីឥណ្ឌាលោក Gandhi បានចេញទៅបេសកកម្មដោយរថភ្លើង។ នៅពេលដែលរថភ្លើងកំពុងចេញដំណើរលោក Gandhi បានលោតឡើងរថភ្លើងទាំងប្រញាប់ ពេលនោះគាត់ក៏បានជ្រុះស្បែកជើងម្ខាងទៅក្រៅរថភ្លើង។ លោក Gandhi មិនអាចចុះរើសស្បែកជើងបានទេដោយសាររថភ្លើងចាប់ផ្តើមចេញដំណើរលឿនទៅៗ ពេលនោះគាត់ ក៏បានដោះស្បែកជើងម្ខាងទៀតហើយគ្រវែងទៅកន្លែងស្បែកជើងដែលជ្រុះនោះ។

ពេលនោះអ្នកដំណើរលើរថភ្លើងក៏ឆ្ងល់ហើយសួរគាត់ថា ហេតុអ្វីបានជាគាត់ធ្វើដូចនេះ?

គាត់ក៏បានសើច ហើយពន្យល់ថា៖ ស្បែកជើងមួយគូរ បើបាត់ម្ខាងហើយនោះមិនអាចធ្វើអ្វីបានទៀតទេ។ ខ្ញុំទុកវាក៏គ្មានប្រយោជន៍ដែរ អ៊ីចឹងខ្ញុំគ្រវែងស្បែកជើងម្ខាងទៀតដែលនៅសល់ទៅកន្លែងស្បែកជើងដែលជ្រុះនោះ ស្រួលមិនស្រួលមានជនក្រីក្រណាម្នាក់រើសបានស្បែកជើងទី១ ហើយពួកគេនឹងរកឃើញស្បែកជើងទី២ ដូច្នេះគេអាចប្រើស្បែកនោះបាន។

ពេលនោះអ្នកដែលបានស្តាប់គាត់ពន្យល់ហើយបានការគោរពគាត់ជាខ្លាំង ក្នុងរយៈពេលដ៏ខ្លី គាត់អាចគិតឃើញរឿងនោះ និងធ្វើសកម្មភាពយ៉ាងលឿនបំផុត។
‐‐----------------------------------------------------------------------------------

មេរៀននៅក្នុងរឿងនេះគឺថា៖

ខ្ញុំក៏ធ្លាប់បានបាត់របស់ជាច្រើននៅក្នុងជីវិត ហើយការឆ្លើយតបពីធម្មជាតិរបស់ខ្ញុំ ខ្ញុំតែងតែសោកស្តាយជាខ្លាំង។

ប៉ុន្តែនៅពេលដែលខ្ញុំឆ្លុះកញ្ចក់ ហើយនិយាយតាមលោក Gandhi ខ្ញុំក៏ដឹងថាហេតុផលដែលខ្ញុំសោកស្តាយព្រោះតែភាពអាត្មានិយមដែលគិតតែប្រយោជន៍ខ្លួនឯង។

រឿងនេះពិបាកណាស់ដើម្បីផ្លាស់ប្តូរឲ្យបានភ្លាមៗ តែវាជាជំហានដំបូងដើម្បីអ្នកអាចដើរទៅដល់ផ្លូវនៃសុភមង្គលពិតប្រាកដ។

      ប្រភព : Knowledge Cambodia