ប្រាសាទអង្គរវត្ត កសាងឡើងដោយព្រះរាជាអង្គណា ? នៅគ្រិស្តសករាជទីប៉ុន្មាន ? ត្រូវនឹងពុទ្ធសតវត្សទីប៉ុន្មាន ? តើកំពូលប្រាសាទនេះជានិមិត្តរូបនៃអ្វី ?

ប្រាសាទអង្គរវត្ត កសាងឡើងដោយព្រះបាទសូរ្យវរ្ម័នទី២ ។ នៅគ្រិស្តសករាជ (១១១៣ដល់១១៥០) និងនៅពុទ្ធសតវត្សទី១៧ រឺ១៨ ។ និមិត្តរូបនៃកំពូលប្រាសាទ ៖

កំពូល៣តំនាងអោយ ៖

• ព្រះអាទិទេព៣អង្គ ក្នុងសាសនាព្រាហ្មណ៍ ( ព្រះព្រហ្ម ព្រះវិស្ណុ ព្រះសិវៈ) ។
• គម្ពីរត្រៃវេទមាន ៖ គម្ពីរឫគ្វេទ គម្ពីរសាមវេទ គម្ពីរយជុវេទ ។

កំពូល ៥ តំនាងអោយ ៖

• តាមជំនឿនៃលទ្ធិព្រាហ្មណ៍ ៖ កំពូលកណ្តាលដែលខ្ពស់ជាងគេ ជានិមិត្តរូបនៃភ្នំព្រះសុមេរុ៍ព័ទ្ធជុំវិញដោយមហាទ្វីបទាំង៤ (បុព្វវិទេហទ្វីប ជម្ពូទ្វីប អបរគោយានទ្វីប ឧត្តរកុរុទ្វីបនិងមហាសមុទ្ទ) ។

តាមទស្សនៈមនុស្សនិយម ៖

• តំនាងអោយម្រាមទាំងប្រាំនៃបាតដៃរបស់ពលករ ។
• តំនាងអោយព្រលឹងទាំង៥ បង្កប់ពីក្រោយស្នាដៃមាន (បញ្ញា ព្យាយាមក្នុងពលកម្ម ភាពអំនត់ ទេពកោសល្យនិម្មិតកម្មសិល្បៈ) ។