ចូរបង្ហាញពីចំណុចសំខាន់ៗនៃគោលដៅអប់រំជាតិ។

បង្ហាញពីចំណុចសំខាន់ៗនៅគោលដៅអប់រំជាតិ៖

• ពលរដ្ឋល្អ

            គឺជាពលរដ្ឋដែលមានចំណេះដឹងលើគ្រប់វិស័យ ដូចជាវប្បធម៌ សង្គមធម៌ បច្ចេកទេស និងវិទ្យាសាស្ត្រ។

• ពលរដ្ឋថ្លៃថ្នូរ

            គឺជាពលរដ្ឋដែលមានការអភិវឌ្ឍទាំងស្មារតី សញ្ចេតនា និងឥរិយាបថដូចជាមានសាមគ្គីភាព សហការ ទទួលខុសត្រូវ។

• ពលករជំនាញ

            គឺជាពលរដ្ឋដែលមានសមត្ថភាពគ្រប់គ្រាន់ក្នុងបំណិនដូចជាច្នៃប្រឌិត ចេះប្រើចំណេះដឹងសម្រាប់ដោះស្រាយជីវភាពរស់នៅ។

            ក្នុងន័យនេះការអប់រំ ត្រូវធានាបណ្តុះបណ្តាលពលករគ្រប់ជំនាន់ កម្រិតបឋម មធ្យម ឧត្តម ត្រូវការបណ្តុះបណ្តាលធនធានមនុស្សឲ្យមានចំណេះដឹង វិទ្យាសាស្រ្ត បច្ចេកទេសគ្រប់ផ្នែក និងធ្វើឲ្យរាងកាយមាំមួន មានសីលធម៌ល្អ អាកប្បកិរិយាត្រឹមត្រូវ ចេះការពារទឹកដី ស្រឡាញ់ប្រទេសជាតិ ដើម្បីបំពេញតម្រូវការសង្គមជាតិសម្រាប់អភិវឌ្ឍព្រះរាជាណាចក្រកម្ពុជាក្រោមបាវចនា ជាតិ សាសនា     ព្រះមហាក្សត្រ៕