ចូរនិយាយអំពីវិធានការអាទិភាពនៃកំណែទម្រង់វិស័យអប់រំ នាពេលបច្ចុប្បន្ន។

អំពីវិធានការអាទិភាពនៃកំណែទម្រង់វិស័យអប់រំ នាពេលបច្ចុប្បន្នមាន៨ចំណុចសំខាន់ៗរួមមាន៖

• វិធានការទី១៖ ការបង្កើនគុណភាព និងប្រសិទ្ធភាពនៃសេវាអប់រំនៅគ្រប់កម្រិតសិក្សា

បណ្ដុះបណ្ដាលបច្ចេកទេស និងមុខជំនាញឲ្យស្របទៅតាមតម្រូវការអភិវឌ្ឍរបស់ប្រទេស

ជាតិ។

• វិធានការទី២៖ ពង្រឹងការគ្រប់គ្រងបុគ្គលិក

ការអនុវត្តនូវកំណែទម្រង់មុខងារសាធារណៈការតែងតាំងមន្រ្ដីរាជការ ដោយឈរលើមូលដ្ឋានសមត្ថកម្មដូចជាបទពិសោធន៍ និងសមត្ថភាពការងារ ជាពិសេសការបំបាត់ឲ្យបាននូវវប្បធម៌រត់ការ ដើម្បីលុបបំបាត់នូវការថ្នាំងថ្នាក់របស់បុគ្គលិកសិក្សា និងការអនុវត្តទៅតាមអនុសាសន៍របស់សម្ដេចតេជោ ឲ្យលោកគ្រូ អ្នកគ្រូបានឡើងកាំប្រាក់។

            សម្ដេចអគ្គមហាសេនាបតីតេជោ នាយករដ្ឋមន្រ្ដីបានដាក់ចេញនូវកំណែតម្រង់ប្រាក់បៀវត្សរ៍ និងប្រាក់ឧបត្ថម្ភផ្សេងៗដូចជា៖

            ក. អនុក្រឹត្យ៤៦៨ចុះថ្ងៃទី៦ សីហា ២០១៣ ស្ដីពីការបង្កើនបៀវត្សរ៍មូលដ្ឋាន របស់មន្រ្ដីរាជការនៃក្របខណ្ឌ “គ” ឋានន្ដរសក្ដិទី៣ និងក្របខណ្ឌ “គ” ឋានន្ដរសក្ដិទី២ ក្រោមច្បាប់ស្ដីពីសហលក្ខន្ដិកៈ  មន្រ្ដីរាជការស៊ីវិលឲ្យដល់កម្រិតគឺ៣២០ ០០០៛ ហើយអនុវត្តចាប់ពីថ្ងៃទី១ កញ្ញា ២០១៣តទៅ។

            ខ. កម្រិតបៀវត្សក្នុងឆ្នាំ២០១៤ ខាងមុខពោលគឺផ្ដល់៤០ ០០០៛ ក្នុង១ខែ លើប្រាក់បៀវត្សរ៍ក្របខណ្ឌ “ក” ផ្ដល់៨០ ០០០៛ ក្នុង១ខែ លើបៀវត្សរ៍ក្របខណ្ឌ “ខ” “គ” និង “ឃ”។ ការផ្ដល់បន្ថែមដើម្បីឲ្យមានបៀវត្សរ៍អប្បបរមាឡើងដល់ ៤២៤ ០០០៛។

            គ. កំណែទម្រង់ប្រាក់បៀវត្សរ៍រយៈមធ្យមគឺឆ្នាំ២០១៥-២០១៨។

            ឃ. ការបើកផ្ដល់បៀវត្សរ៍ តាមប្រព័ន្ធធនាគារ ហើយក្រសួងអប់រំ យុវជន និងកីឡា ត្រូវបានជ្រើសរើសជាក្រសួងអាទិភាពសម្រាប់អនុវត្តក្នុងឆ្នាំ២០១៤ ដោយចាប់ផ្ដើមពីថ្នាក់កណ្ដាលរួចទើបបន្ដនៅថ្នាក់ក្រោមជាតិ។

• វិធានការទី៣៖ ការពង្រឹងការប្រឡងប្រជែងគ្រប់ប្រភេទ

ការពង្រឹងគុណភាពប្រឡងដោយអនុវត្តគោលការណ៍៤យ៉ាងគឺ

ក. គោលការណ៍ច្បាប់

ខ. គោលការណ៍យុត្តិធម៌

គ. គោលការណ៍តម្លាភាព

ឃ. គោលការណ៍លទ្ធផលអាចទទួលយកបាន។

            លុបបំបាត់ភាពអនាធិបតេយ្យ អំពើពុករលួយ និងការសូកប៉ាន់ដើម្បីជាប់ ក្នុងគោលដៅលើកស្ទួយការគោរពគ្រូបង្រៀន និស្ដារឡើងវិញនូវកិត្តិយសរបស់គ្រូបង្រៀន។

• វិធានការទី៤៖ កំណែទម្រង់ឧត្តមសិក្សា

            ការពង្រឹងការគ្រប់គ្រង គ្រឹះស្ថានឧត្តមសិក្សាសាធារណៈ និងការត្រួតពិនិត្យគ្រឹះស្ថានឧត្តមសិក្សាឯកជន ក្នុងគោលដៅបណ្ដុះបណ្ដាលធនធានមនុស្សឲ្យមានជំនាញខ្ពស់ ដើម្បីឆ្លើយតប នឹងនិន្នាការអភិវឌ្ឍសេដ្ឋកិច្ចគឺផ្សារភ្ជាប់សាកលឧស្សាហកម្ម “ស្ថាប័នរដ្ឋ”។

• វិធានការទី៥៖ ការអភិវឌ្ឍសម្រាប់យុវជននូវជំនាញបច្ចេកទេស និងជំនាញទន់

            ពិសេសគឺ ការប្រកួតប្រជែងជំនាញ សំដៅត្រៀមលក្ខណៈ ចូលសមាហរណកម្មអាស៊ានក្នុងឆ្នាំ២០១៥ និងឆ្លើយតបបានទៅនឹងសេចក្ដីត្រូវការទីផ្សារពលកម្ម និងបង្កើនឱកាសទទួលបានការងារដោយរៀបចំឲ្យមាននូ វេទិកាមុខរបរសម្រាប់យុវជន និងនិស្សិត ដើម្បីឲ្យពួកគេបានជួបជាមួយតំណាងសហគ្រាស មុននឹងពួកគេបញ្ចប់ការសិក្សា។

• វិធានការទី៦៖ ការអនុវត្តស៊ីជម្រៅនូវកំណែទម្រង់ការគ្រប់គ្រងហិរញ្ញវត្ថុសាធារណៈ

            ត្រូវពង្រឹងការគ្រប់គ្រងហិរញ្ញវត្ថុ ដើម្បីប្រើប្រាស់ឲ្យមានប្រសិទ្ធភាពខ្ពស់ នូវធនធាន​​​ ដែលមាន និងគៀងគរបន្ថែមទៀតនូវហិរញ្ញវត្ថុប្បទានពីក្រៅប្រទេស។ ទីស្ដីការនៃក្រសួងអប់រំ​​ យុវជន និងកីឡា ត្រូវធ្វើជាគំរូសម្រាប់មន្ទីរអប់រំ យុវជន និងកីឡា ព្រមទាំងអង្គភាពក្រោមឱវាទផ្សេងៗ។

• វិធានការទី៧៖ កំណែទម្រង់ការអប់រំកាយ និងកីឡា

ដើម្បីត្រៀមខ្លួនក្នុងការប្រកួតស៊ីហ្គេម (SEA Game) នៅក្នុងឆ្នាំ២០១៣។

• វិធានការទី៨៖ ការបង្កើតធនាគាខួរក្បាលវិស័យអប់រំ

            ដោយការជ្រើសរើស អ្នកជំនាញការពីសាកលវិទ្យាល័យផ្សេងៗ ក្នុងគោលដៅពង្រឹងសមត្ថភាពស្ថាប័ន និងដាក់ចេញនូវវិធានការកំណែទម្រង់វិស័យអប់រំ។