សំណួរ-ចម្លើយ ប្រវត្តិវិទ្យាថ្នាក់ទី ១២ ( វិញ្ញាសា ២៩ )

សំណួរ

១. តើបក្សកុំមុយនីស្ដកម្ពុជាគឺជាអង្គការដូចម្ដេច ?

២. នៅសម័យកម្ពុជាប្រធិបតេយ្យ តើមានក្រសួងណាខ្លះដែលមានសកម្មភាពច្រើនជាងគេ ? ហើយក្រសួងទាំងនោះដឹកនាំដោយនរណា ?

៣. តើនរណាខ្លះជាថ្នាក់ដឹកនាំនៃគណៈកម្មធិការអចិន្ដ្រៃយ៍បក្សកុំមុយនីស្ដកម្ពុជា ?

៤. ចូរនិយាយពីរចនាសម័្ពន្ធគ្រប់គ្រងរដ្ឋនៅសម័យកម្ពុជាប្រជាធិបតេយ្យ ។

៥. នៅឆ្នាំ ១៩៧៦ តើបក្សកុំមុយនីស្ដកម្ពុជាបានបែងចែកតំបន់រដ្ឋបាលប្រទេសដូចម្ដេច ?

 ចម្លើយ

១. បក្សកុំមុយនីស្ដគឺជាអង្គការតែមួយគត់ដែលមានអំណាចនៅក្នុងរបបកម្ពុជា ប្រជាធិបយតេយ្យ ។

២. នៅសម័យកម្ពុជាប្រជាធិបតេយ្យ មានក្រសួងដែលមានសកម្មភាពច្រើនជាងគេរួមមាន ៖

• ក្រសួងការបរទេសដឹកនាំដោយ អៀង សារី
• ក្រសួងការពារជាតិដឹកនាំដោយ សុន សេន
• ក្រសួងសេដ្ឋកិច្ចដឹកនាំដោយ វន វ៉េត
• ក្រសួងឧស្សាហកម្មដឹកនាំដោយចេង អន ។

៣​​. ថ្នាក់ដឹកនាំនៃគណៈកម្មាធិការអចិន្រ្ដៃយ៍បក្សកុំមុយនីស្ដកម្ពុជាមានប៉ុល ពល ជាលេខាបក្ស និងនួនជា គឺអនុលេខាបក្ស ។ គណៈកម្មាធិការនេះមានសិទ្ធិអំណាចក្នុងការធ្វើសេចក្ដីសម្រេចចិត្តអនុម័តគោលនយោបាយ និងលក្ខខន្ដិកៈផ្សេងៗ ។

៤. រចនាសម័្ពន្ធគ្រប់គ្រងរដ្ឋ សម័យកម្ពុជាប្រជាធិបតេយ្យមានដូចតទៅ ៖

• លោក ខៀវ សំផន ប្រធានគណៈប្រធា​នរដ្ឋ ( ប្រមុខរដ្ឋ )
• លោក នួនជា ប្រធានសភាតំណាងប្រជាជន ។
• លោក ប៉ុល ពតនាយករដ្ឋមន្ដ្រី
• លោក អៀង សារី ឧបនាយករដ្ឋមន្ដ្រី រដ្ឋមន្ដ្រីក្រសួងការបរទេស ។
• លោក វន វ៉េត ឧបនាយករដ្ឋមន្ដ្រីក្រសួងសេដ្ឋកិច្ច ។
• លោក សុន សេន ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ។

៥. នៅឆ្នាំ ១៩៧៦ បក្សកុំមុយនីស្ដកម្ពុជាបានបែងចែក តំបន់រដ្ឋបាលប្រទេសដូចជា ៖

• បែងចែកប្រទេសជា ៦ ភូ​មិភាគដែលរួមមាន ៣២ តំបន់ ។
• ភូមិភាគនីមួយៗ មានខេត្តពីរ ឬច្រើនរួមមានបញ្ចូលគ្នា ឬ កាត់ស្រុកខ្លះចេញពីខេត្តខ្លះចេញពីខេត្តមកបញ្ចូលគ្នា ឬ កាន់ស្រុកខ្លះចេញពីខេត្តខ្លះមកបញ្ចូលគ្នា ។
• ភូមិភា និងតំបន់ទាំងអស់បានដាក់លេខសម្គាល់
• សមូហភាពថ្នាក់មូលដ្ឋាន ដែលបានបែងចែកជាឃុំ និងភូមិត្រូវប្រមូលផ្គុំសហករណ៍ ។

( វិញ្ញាសាទី ៣០ )