ការដឹកនាំ

១.ដូចម្ដេចដែលហៅថាមូលដ្ឋានគ្រឹះនៃការដឹកនាំ ?

២.តើទំនាក់ទំនងលើកទឹកចិត្តមានអ្វីខ្លះ ?

៣.តើទឹកចិត្តនិយោជិកជាអ្វី ?

៤.តើមធ្យោបាយអ្វីសំរាប់វាស់ស្ទង់ទឹកចិត្តនិយោកជិក?

៥.ដូចម្ដេចដែលហៅថាការជំរុញលើកទឹកចិត្ត ?

៦.តើការជម្រុញលើកទឹកចិត្តមានផលប្រយោជន៍អ្វីខ្លះ ?

៧.តើប្រភេទនៃ​ការជម្រុញលើកទឹកចិត្តមានប៉ុន្មាន?ចូរៀបរាប់?

៨.តើមនុស្សត្រូវការបំពេញសេចក្ដីត្រូវការរបស់ខ្លូនមានប៉ុន្មាន?ចូលរៀបរាប់តាមឋានុក្រម?

៩.ដូចម្ដេចដែលហៅថាភាពជាអ្នកដឹកនាំ ?

១០.តើចរិកលក្ខណៈនិងលក្ខណៈពិសេសរបស់អ្នកដឹកនាំមានប៉ុន្មាន ?ចូលរៀបរាប់?

១១.តើរចនាបទអ្នកដឹកនាំមានប៉ុន្មានបែប ?ចូលរៀបរាប់?          

១២.ដើម្បីរៀបចំខ្លួនឲ្យទៅជាអ្នកគ្រប់គ្រងល្អតើត្រូវធ្វើដូចម្ដេច?

១៣.តើចំណុចអ្វីខ្លះដែលអ្នកគ្រប់់គ្រង និងអ្នកដឹកនាំគួរជៀសវៀង?

១៤.ដើម្បីខ្លាយខ្លួនជាអ្នកដឹកនាំដែលមានប្រសិទ្ធភាពអ្នកគ្រប់គ្រងជាន់ខ្ពស់ត្រូវមានអ្វីខ្លះ ?

១៥.តើចំណុចសំខាន់អ្វីខ្លះដែលអ្នកគ្រប់គ្រងថ្នាក់ខ្ពស់ក្នុងធ្វើការទំនាក់ទំនង ជាមួយនិយោជិក?

ចម្លើយ

១.ដែលហៅថាមូលដ្ឋានគ្រឹះនៃការដឹកនាំគឺជាការបង្ហាញឲ្យឃើញនូវសមត្ថភាពរបស់អ្នកគ្រប់គ្រងដែលចូលរួមក្នុងការងារកាដឹកនាំ ណែនាំំ​ ជំរុញរាល់សកម្មភាពការងាររបស់អ្នកក្រោមបង្គាប់ឲ្យអនុវត្តតាមខ្លួន ដើម្បីធ្វើឲ្យ ​សំរេចនូវគោលដៅដែលបានកំណត់ ។

២.ទំនាក់ទំនងលើកទឹកចិត្តមានធនធានក្នុងអង្គភាពមាន៖ ធនធានមនុស្ស+ហិរញ្ញវត្ថុ+មូលដ្ឋានសំភាំរៈដែលក្នុងនោះ

• ធនធានមនុស្សមានសណខាន់ជាងគេ ព្រោះអាចប្រើប្រាស់ធនធានពីទៀត ដើម្បីសំរេចគោលបំណងអង្គភាព ។
• មនុស្សងាយស្រួលប្រើ ព្រោះវិចារណញាណពេលអនុវត្តការងារគេអនុវត្តការងារត្រឹមត្រូវ ។
• មនុស្សក៏ពិបាកដែរនៅពេលអនុវត្តការងារ ព្រោះមនុស្សមានទំនាក់ទំនងជាមូយមនុស្សនឹងមនុស្សទាំងការងារ ដូចនេះទាមទារឲ្យមនុស្សចេះយល់យោគគ្នា (មិនឈ្លោះគ្នា+មិនសង្ស័គ្នា+មិនប្រណែនគ្នា)បើពុំនោះទេបញ្ហាមួយចំនួននឹងកើតមានឡើងព្រមទាំងជះឥទ្ធិពលមិនល្អដល់អង្គភាព​ ។

៣.ទឹកចិត្តនិយោជិកជាទឹកចិត្តគឺជាមនោសញ្ចេតនាររបស់មនុស្សដែលបង្ហាញឡើងតាមរយៈអាកប្បកិរិយា+ឥរិយាបថរបស់ពួកគេម្នាក់ៗ​ និងទង្វើរបស់នរណាម្នាក់ទៀត ។

៤.មធ្យោបាយសំរាប់វាស់ស្ទង់ទឹកចិត្តនិយោកជិកមាន៖

• ការត្រួតពិនិត្យរបាយការណ៍ផលិតភាប និងផលិតកម្ម
• សិក្សាពីតួលេចនៃការផ្លាស់ប្ដូរកំលាំងពលកម្ម
• ពិនិត្យមើលស្ថិតិវត្តមាន
• សិក្សារពីសតិអារម្មណ៍របស់និយោគជិក បុគ្គលិក កម្មករ
• ត្រួតពិនិត្យតាមការស្ទាប់ស្ទងទឹកចិត្ត អាប្បកិរិយារបស់និយោគជិក បុគ្គលិក ។

៥.ដែលហៅថាការជំរុញលើកទឹកចិត្តគឺជាវិធីសាស្រ្ត មធ្យោបាយ យុទ្ធសាស្រ្ត យុទ្ធវិធីដែលអ្នមកគ្រប់គ្រងប្រើសំរាប់ធ្វើឲ្យបុគ្គលិក ម្នាក់ៗឬក្រុមការងារនីមួយៗសំរេចបាននូវគោលបំណងនិងតំរូវការរបស់ អង្គភាព​។

៦. ការជម្រុញលើកទឹកចិត្តមានផលប្រយោជន៍ដូចជា៖

• បង្កើតផលិតភាព ផលិតកម្ម
• បង្កើនទឹកចិត្ត
• សកម្មភាពក្នុងការចូលរួមការងារ
• មានឆន្ទៈចំពោះការងារបិបាក
• កាត់បន្ថយបញ្ហាទណ្ឌកម្ម
• កាត់បន្ថយបញ្ហាទំនាក់ទំនងក្នុងអង្គភាព ។

៧.ប្រភេទនៃ​ការជម្រុញលើកទឹកចិត្តមាន២ប្រភេទ៖

• ការជំរុញទឹកចិត្តបែបវិជ្ជមាន ៖អ្នកនៅក្រោម បង្គាប់តាមអ្នកដឹកនាំ ពីព្រោះតែការកើតឡើងនូវការរីកចម្រើនការឲ្យរង្វាន់ ការបំពេញបំណង ។
• ការជំរុញទឹកចិត្តបែបអវិជ្ជមាន៖អ្នកនៅក្រោមបង្គាប់អនុវត្តតាមអ្នមកដឹកនាំពីព្រោះគុណសម្បត្តិដែលបានរំពឹងទុកមួយចំនួន ប៉ុន្តែពីព្រោះតែភាពភ័យខ្លាចនៃការដាក់ទណ្ឌកម្ម ដូចជាការប្រាក់ខែទំលាក់ឋានៈ.....។

៨.មនុស្សត្រូវការបំពេញសេចក្ដីត្រូវការរបស់ខ្លូនមាន៥ដូចជា៖

• តំរូវការផ្នែករាងកាយ
• តំរូវការសន្តិសុខ
• តំរូវការសង្គម
• តំរូវការភាពថ្លៃថ្នូរ
• តំរូវការពិតជាក់ស្ដែង

៩.ដែលហៅថាភាពជាអ្នកដឹកនាំ គឺជាវិធីសាស្រ្តនៃការចាត់ការ និងជះឥទ្ធិពលទៅលើសកម្មភាពការងារដែលមានទំនាក់ទំនងជាមួយសមាជិកក្រុម ។

១០.ចរិកលក្ខណៈនិងលក្ខណៈពិសេសរបស់អ្នកដឹកនាំមាន៤ដូចជា៖

• លក្ខណៈពិសេសនៃបុគ្គលិកនៃបុគ្គលិកលក្ខណៈ
• លក្ខ​ណៈពិសេសក្នុងសង្គម
• លក្ខណៈជំនាញ
• លក្ខណៈរូបរាងកាយ

១១.រចនាបទអ្នកដឹកនាំមាន៣បែបដូចជា៖

+របៀបផ្ដាច់ការ

• ប្រើប្រាស់សិទ្ធិអំណាចលក្ខណៈបញ្ជាត្រង់
• បង្កើតការសំរេចចិត្តដោយគ្មានការពិតគ្រោះយោបល់ជាមូយអ្នកដ៏ទៃ
• ប្រើប្រាប់ភាពភ័យខ្លាចគំរាមគំហែងសិទ្ធិអំណាចនិងភាពជាបុគ្គលិកលក្ខណៈជាមធ្យោបាយរបស់ពួកគេ ។

+របៀបប្រជាធិបតេយ្យ

• ជំរុញឲ្យមានការចូលរួមពីបុគ្គលិក កម្មករ និយោជិក
• បង្ហាញពីគំនិត និងបើកចំហរសំណួរ
• បង្ហាញបញ្ហា យកគំនិតយោបល់ពិថ្នាក់ក្រោម និងការសំរេចចិត្ត

+របៀបសេរី

• ផ្ដល់នូវការលើកទឹកចិត្តចំពោះគំនិតរបស់និយោជិក
• ផ្ដល់ការបំភ្លឺ ឬ គំនិតយោបល់នៅពេលបានសួរ
• ជំរុញសមាជិកក្រុមដើម្បីធ្វើការបង្ហាញពីគំនិតកែច្នៃផ្ទាល់ខ្លួនពួកគេ

១២.ដើម្បីរៀបចំខ្លួនឲ្យទៅជាអ្នកគ្រប់គ្រងល្អត្រូវ៖

• ស្គាល់ខ្លួនឯងឲ្យបានច្បាស់លាស់គឺ គុណសម្បត្តិ​និងគុណវិបត្តិផ្ទាល់ ត្រូវរៀនស្គាល់អ្នកដ៏ទៃឲ្យបានច្បាស់
• លើកទឹកចិត្តសហការីឲ្យក្លាហាន
• មាន​ទឹកចិត្តរីករាយក្នុងការជួយសហការី
• ព្យាយាមជួយអ្នកក្រីក្រ​ និងអ្នកដែលត្រូវការជំនូយចាំបាច់
• ជួយបង្រៀនអ្នកដ៏ទៃឲ្យក្លាយជាអ្នកគ្រប់គ្រងល្អនាថ្ងៃអនាគត
• ត្រូវចេះដាក់ខ្លយនពោលមិនប្រកាន់ចំពោះការងារ ក្នុងការសហប្រត្តិការជាមួយសហការី
• ការចំណាយឲ្យបានសមហេតុផល មិនពុករលួយ
• រស់នៅប្រកបដោយសីលធម៌ខ្ពស់
• មានគោលដៅជាក់លាក់សំរាប់អនាគត
• ត្រូវស្គាល់ឲ្យបានច្បាស់នូវតំលៃពេលវេលា ។

១៣.ចំណុចដែលអ្នកគ្រប់់គ្រង និងអ្នកដឹកនាំគួជៀសវៀងគឺ

• ការឆាប់ខឹង
• កំណាញ់
• មិនចេះរាក់ទាក់
• មិនគោរពចាស់ទុំ
• កុហក
• លួច
• ខ្ជិល
• និយាយច្រើន
• មើលងាយអ្នកដ៏ទៃ ។

១៤.ដើម្បីក្លាយខ្លួនជាអ្នកដឹកនាំដែលមានប្រសិទ្ធភាពអ្នកគ្រប់គ្រងជាន់ខ្ពស់ត្រូវមានចំណេះដឹងបច្ចេកទេស និងជំនាញ ពិតប្រាកដ និង ច្បាស់លាស់ ។ហើយបញ្ហាដែលសំខាន់ គឺមានការជឿជាក់លើសមត្ថភាពដឹកនាំរបស់ថ្នាក់គ្រប់គ្រងជាន់ខ្ពស់ដែលជាផ្នែកសំខាន់មួយនៃការបំពេញការងារចំពោះនិយោជិក​ ។

១៥.ចំណុចសំខាន់ដែលអ្នកគ្រប់គ្រងថ្នាក់ខ្ពស់ក្នុងធ្វើការទំនាក់ទំនង ជាមួយនិយោជិកមាន៖

• ត្រូវមានការពិចារណាឲ្យបានគ្រប់ជ្រុងជ្រោយ លើសតិអារម្មណ៍របស់នយោជិកគ្រប់ពេលវេលា
• ត្រូវដឹងនូវកំហុសខ្លួនឯងដែលបានធ្វើ
• ត្រូវរិះគុណជាលក្ខណៈឯកជន
• ត្រូវទទួលស្គាល់នូវសមត្ថភាព និង ការងារល្អៗដែលបានធ្វើឡើងដោយនិយោជិក
• ត្រូវស្ងៀស្ងាត់ និង ជៀសវាងការបង្ហាញការរំភើបចំពោះនិយោជិក
• ការរិះគុណត្រូវមានលក្ខណៈស្ថាបនាកែលំអ។