សំណួរ-ចម្លើយ ឥរិយាបថនៃអង្គភាព (ភាគ៥)

សំណួរ

២១- តើកត្តាអ្វីខ្លះបានគ្របដណ្តបគ្រប់គ្រងលើបុគ្គលិកលក្ខណៈរបស់បុគ្គល ?

២២- តើអារម្មណ៍ជាអ្វី ? តើអារម្មណ៍បុរសនិងស្ត្រីខុសគ្នាដូចម្តេចខ្លះ ? ចូរពន្យល់ ។

២៣- តើអ្នកគ្រប់គ្រងអាចត្រួតពិនិត្យអារម្មណ៍របស់និយោជិតខ្លួនបានដែរឬទេ ? ហេតុអ្វី ?

២៤- តើអ្វីទៅជាទស្សនៈ នៃការយល់ដឹង ?

២៥- អ្វីទៅជាការជំរុញទឹកចិត្ត ?

ចម្លើយ

២១- កត្តាដែលគ្រប់គ្រងលើបុគ្គលិកលក្ខណៈមាន ៣គឺ ៖

• កត្តាតំណពូជ ៖ គឺជាលក្ខណៈទាំងឡាយដែលបានកំណត់ពីកំណើត ដូចជាមាឌ កំពស់ ភាពរួសរាយរាក់ទាក់ កត្តជីវសាស្ត្រដែលកំណត់ដោយសែនដែលនៅក្នុងក្រូម៉ូសូមមនុស្ស ។
• កត្តាបរិយាកាស ៖ មានដូចជាបទដ្ឋាននៅក្នុងគ្រួសារ មិត្តភក្ត្រ ក្រុមសង្គម ដែលយើងធ្លាប់មានបទពិសោធន៍ ។
• កត្តាស្ថានភាព ៖ គឺជាកត្តាទីបីដែលមានឥទ្ធិពលមកលើកត្តាតំណពូជ និងកត្តាបរិយាកាសនៃបុគ្គលិកលក្ខណៈរបស់មនុស្ស ។

២២- អារម្មណ៍ គឺជាការទទួលដឹងដោយញាណរបស់មនុស្ស ដូចជា ការស្រឡាញ់ ស្អប់ ភ័យខ្លាច រំភើប -ល- ។ ហើយភាពខុសគ្នារវាងអារម្មណ៍របស់បុរសនិងស្ត្រី គឺការបញ្ចេញប្រតិកម្មខាងអារម្មណ៍ដូចជា ៖

• ស្ត្រីភាគច្រើនបញ្ចេញអារម្មណ៍មកក្រៅច្រើនជាបុរស
• ស្ត្រីមានបទពិសោធន៍ខាងអារម្មណ៍ខ្លាំងខ្លា ហើយបង្ហាញទាំងអារម្មណ៍វិជ្ជមាន និងអារម្មណ៍អវិជ្ជមានច្រើនជាងបុរស
• មានពេលខ្លួនស្ត្រីពេលដែលខឹងមិនសំដែងអារម្មណ៏ចេញមកខាងក្រៅ
• បុរសត្រូវបានបង្រៀនឱ្យមានភាពក្លាហាន និងហានប្រឈម
• ស្តី្រត្រូវបានគេរំពឹងថា គេបញ្ចេញអារម្មណ៍វិជ្ជមានឱ្យបានច្រើននៅកន្លែងធ្វើការ ដោយបង្ហាញការញញឹមច្រើនជាងបុរស ។

២៣- អ្នកគ្រប់គ្រងអាចត្រួតពិនិត្យអារម្មរបស់និយោជិតរបស់ខ្លួនបាន ព្រោះអារម្មណ៍របស់និយោជិតម្នាក់ នឹងសម្តែងទាញមកខាងក្រៅតាមរយៈការប្រព្រឹត្តរបស់ពួកគេ ឧទាហរណ៍ ការសម្តែងចេញនូវទឹកមុខ បង្ហាញអំពីអារម្មណ៏ធម្មតា ភ័យខ្លាច ទុក្ខព្រួយ រំភើប រីករាយ ឬការការខឹង -ល-។

២៤- ទស្សនៈនៃការយល់ដឹង គឺសំដៅទៅលើវិធីដែលបុគ្គលម្នាក់ៗ ផ្តល់នូវអត្ថន័យសម្រាប់បរិយាកាស ហើយធ្វើការបកស្រាយវា ហើយជាពិសេសទាក់ទងទៅនិងញ្ញាណរបស់មនុស្ស ។

២៥- ការជំរុញទឹកចិត្ត គឺជាដំណើរការនៃការពន្យល់ពីប្រពលភាពទិសទៅ និងការតស៊ូរបស់បុគ្គលម្នាក់ ដោយប្រឹងប្រែងដើម្បីសម្រេចគោលបំណង ។

តភាគ