វិញ្ញាសាផែនដីវិទ្យា ( វិញ្ញាសាទី៣៨ )

សំនួរ

១. គេចាត់ថ្នាក់សិលាកម្ទេចកំណក្លាស្ទិច និងសិលាកម្ទេចកំណគីមីដោយផ្អែកលើវាយភាព និងសមាសធាតុផ្សំ តើលក្ខណៈមួយណាដែលសំខាន់ជាងគេសម្រាប់ប្រភេទនីមួយៗ ? ចូរពន្យល់ ។​

២. តើកត្តាមជ្ឈដ្ឋានអ្វីខ្លះ ដែលបណ្តាលឲ្យសិលាទទួលរង់នូវលំនាំប្រែកំណើត ?

៣. តើសិលាប្រែកំណើតវាយភាពក្រាមបន្ទះនិងវាយភាពគ្មានក្រាមបន្ទះ ខុសគ្នាដូចម្តេច ?

៤. បើសិនអ្នកមានសិលាប្រែកំណើតពីរ មួយមានក្រាមហ្គាណែត ហើយមួយទៀតមានក្រាមក្លរីត ។ តើសិលាមួយណាកើតឡើងនៅជម្រៅជ្រៅជាងគេ  ? ចូរពន្យល់ ។

៥. ចូររៀបរាប់ពីសារៈសំខាន់នៃសិលាចំពោះមនុស្ស ។

ចម្លើយ

១. គេចាត់ថ្នាក់សិលាកម្ទេចកំណក្លាស្ទិច និងសិលាកម្ទេចកំណគីមីដោយផ្អែកលើវាយភាពនិងសមាសធាតុផ្សំ ហើយលក្ខណៈដែលសំខាន់ជាងគេសម្រាប់ប្រភេទនីមួយៗ គឺសិលាក្លាស្ទិចផ្សំឡើងពីបំណែកផ្សេងៗនៃសិលា និងរ៉ែព្រោះសិលានេះកើតពីបង្ខាំជាប់គ្នារបស់ខ្សាច់ ក្រួស ។ សិលាកម្ទេចកំណគីមីកើតឡើងពីសូលុយស្យុងរ៉ែ ទឹក ព្រោះតាមរយៈទឹកភ្លៀងហូរចូលសមុទ្រយឺតៗ វារលាយសារធាតុខ្លះនៃសិលា ហើយផ្សំឡើងពីកាល់ស្យូមកាបូណាត ឬរ៉ែកាល់ស៊ីត  ។

២. កត្តាមជ្ឈដ្ឋានដែលបណ្តាលឲ្យសិលាទទួលរងនូវលំនាំប្រែកំណើតដូចជាៈ

• សម្ពាធ
• កម្តៅក្នុងសំបកផែនដី ។

៣. សិលាប្រែកំណើតវាយភាពក្រាមបន្ទះ និងវាយភាពគ្មានក្រាមបន្ទះខុសគ្នាត្រង់ៈ

• សិលាប្រែកំណើត វាយភាពក្រាមបន្ទះមានផ្ទុកគ្រាប់រ៉ែ ដែលតម្រៀបជាជួរដោយសារសម្ពាធ
• សិលាប្រែកំណើត វាយភាព​គ្មានក្រាមបន្ទះដោយសារគ្មានការតម្រើបជួរ នៃគ្រាប់រ៉ែហើយជាទូទៅកើតឡើងពីរ៉ែមួយ ពីរ ឬ បី ប្រភេទ ។

៤. បើសិនអ្នកមានសិលាប្រែកំណើតពីរ មួយមានក្រាមហ្គាណែត ហើយមួយទៀតមានក្រាមក្លរីត ។ សិលាដែលកើតឡើងនៅជម្រៅជ្រៅជាងគេ គឺសិលាហ្គាណែត ដោយសារសិលាហ្គាណែតកើតឡើង មកពីការផ្សំចូលគ្នារវាងរ៉ែកាល់ស៊ីត ក្វាត និងអេម៉ាទីតធ្វើឲ្យវាមានទម្ងន់ធ្ងន់ជាងសិលាដែលមានផ្ទុកតែក្លរីត ។

៥. សារៈសំខាន់នៃសិលាចំពោះមនុស្សមានៈ

• ប្រើដើម្បីធ្វើជាគ្រឿងសំណង់ ( ប្រាសាទអង្គរវត្តធ្វើពីសិលាថ្មកែវ និងថ្មភក់ )
• ផ្លូវគមនាគមន៍
• អគារ បង្កើតឡើងដោយប្រើថ្មម៉ាប់ ថ្មកំបោរនិងសិលាឈ្នួន
• សារៈសំខាន់ចំពោះវិទ្យាសាស្រ្តដូចជាដឹងពីប្រវត្តិផែនដី និងព្រះអាទិត្យកំណកំណើតជីវីតដែលរស់នៅរាប់លានឆ្នាំ តាមរយៈផូស៊ីលក្នុងសិលា
• កាំបិតធ្វើពីថ្មអុបស៊ីឌៀន​សម្រាប់ការវះកាត់ ។