សំណួរ-ចម្លើយ ការគ្រប់គ្រងបុគ្គលិកប្រកបដោយភាពវ័យឆ្លាត (ភាគ២)

សំណួរ

៦- តើការវិភាគការងារជាធម្មតាត្រូវបានគេធ្វើឡើងជាប៉ុន្មានដំណាក់កាល ?

៧- តើការពិពណ៌នាការងារគឺជាអ្វី ?

៨- តើការកំណត់ពីការងារគឺជាអ្វី ?

៩- តើការវិភាគការងារបានផ្តល់នូវភាពងាយស្រួលមានអ្វីខ្លះ ?

១០- តើការធ្វើផែនការធនធានមនុស្សគឺជាអ្វី ? ហើយការធ្វើផែនការធនធានមនុស្សត្រូវធ្វើតាមយុទ្ធសាស្ត្រប៉ុន្មានជំហ៊ាន ? អ្វីខ្លះ ?

ចម្លើយ

៦- ការវិភាគការងារជាធម្មតាត្រូវបានគេធ្វើឡើងជា៣ដំណាក់កាលគឺ ៖

• នៅពេលដែលក្រុមហ៊ុន ឬអង្គភាពមួយត្រូវបានបង្កើតឡើង ។
• នៅពេលដែលមានការងារថ្មីណាមួយត្រូវបានបង្កើតឡើង ។
• នៅពេលដែលមានគម្រោងពង្រីកប្រតិបត្តិការការងារថ្មី ។

៧- ការពិពណ៌នារការងារ គឺជាការពិពណ៌នាលំអិតដោយផ្តោតសំខាន់លើភារៈកិច្ច និងការទទួលខុសត្រូវដែលពាក់ព័ន្ធទៅនឹងាការប្រតិបត្តិការងារនោះ ។ 

៨- ការកំណត់ពីការងារ គឺជាកំណត់នូវលក្ខខណ្ឌដែលឆ្លើយតបទៅនឹងសមត្ថភាពដែលអាចបំពេញការងារបានផ្តោតជាសំខាន់លើ ចំណេះដឹង ជំនាញ សមត្ថភាព​ បទពិសោធន៍ការងារ និងលក្ខណៈសម្បត្តិផ្សេងៗទៀតសម្រាប់ដំណើរការការងារប្រកបដោយប្រសិទ្ធភាពខ្ពស់ ។

៩- ការវិភាគការងារបានផ្តល់នូវភាពងាយស្រួលមានដូចជា ៖

• ការធ្វើផែនការធនធានមនុស្ស
• ការប្រកាសជ្រើសរើស និងការជ្រើសរើសបុគ្គលិក
• ការណែនាំ និងការតម្រង់ទិសបុគ្គលិក កម្មករ និយោជិកថ្មី
• ការបណ្តុះបណ្តាលបុគ្គលិក
• ការទូទាត់សំណងដល់បុគ្គលិក
• ការអង្កេត និងវាយតម្លៃលើការងារជាក់ស្តែង ។

១០- ការធ្វើផែនការធនធានមនុស្ស គឺផ្តោតសំខាន់ទៅលើប្រភេទនៃជំនាញ និងចំនួននិយោជិកដែលអង្គភាពត្រូវការ ។ ការធ្វើផែនការធនធានមនុស្សត្រូវធ្វើតាមយុទ្ធសាស្ត្រទាំង៥ជំហ៊ានផ្សេងៗគ្នាមានដូចជា ៖

• ការប៉ាន់ប្រមាណតម្រូវការនិយោជិក
• ការព្យាករណ៍តម្រូវការ និងការផ្គត់ផ្គង់ធនធានមនុស្ស
• យុទ្ធសាស្ត្រ Staffing
• ការវាយតម្លៃ និងការកែសម្រួលលើតម្រូវការបុគ្គលិក
• ផលប្រយោជន៍នៃការធ្វើផែនការធនធានមនុស្ស ។

តភាគ