សំណួរ-ចម្លើយ ការគ្រប់គ្រងការិយាល័យ (ភាគ៩)

សំណួរ

៤១- តើមីក្រូហ្វីលគឺជាអ្វី ?

៤២- តើមីក្រូហ្វីសគឺជាអ្វី ?

៤៣- តើរបៀបរៀបចំលិខិតចូលមានអ្វីខ្លះ ?

៤៤- តើរបៀបរៀបចំលិខិតចេញមានអ្វីខ្លះ ?

៤៥- តើប្រភេទនិងទំហំនៃអង្គការ ឬក្រុមហ៊ុន ដែលអ្នកធ្វើការជាមួយ និងមានការគ្រប់គ្រង Petty Cash ខុសៗគ្នាមានអ្វីខ្លះ ?

ចម្លើយ

៤១- មីក្រូហ្វីល គឺជាដុំហ្វីលទំហំ ៣៥មម ឬ១៦មម ដែលប្រើជាមធ្យោបាយសម្រាប់រក្សាឯកសារយៈពេលយូរអង្វែង ដោយប្រើឧបករណ៍ដែលមានចំណាទាប និងងាយរកបានឆាប់រហ័ស ។

៤២- មីក្រូហ្វីស គឺមកពីពាក្យ មីក្រូ = តូច និងពាក្យបារាំង ហ្វីស = សន្លឹកក្រដាស គឺមានន័យថាសន្លឹកហ្វីលតូចៗដែលមានរូបថតនៃឯកសារនានាជាដើម ។ មីក្រូហ្វីស អាចអានបាននៅលើម៉ាស៊ីនអានមីក្រូហ្វីស ឬអាចបោះពុម្ពចេញជាទម្រង់ក្រដាសធំៗបាន ។ វាមានភាពងាយស្រួលក្នុងការថតចម្លង និងផ្ញើតាមប្រៃសណីយ៍ដោយប្រើស្រោមសំបុត្រធម្មតា ។

៤៣- របៀបរៀបចំលិខិតចូលមានដូចជា ៖

• រៀបចំទីកន្លែង
• រៀបចំតាមប្រភេទដោយអាស្រ័យទៅតាមលិខិតឯកជនឬលិខិតរដ្ឋបាល (លិខិតផ្លូវការ)
• បើកសំបុត្រ
• យកចេញនិងពិនិត្យខ្លឹមសារសំបុត្រ
• កាលបរិច្ឆេទនិងការបោះត្រា
• រៀបតាមលំដាប់លំដោយ
• ចែកចាយសំបុត្រ ។

៤៤- របៀបរៀបចំលិខិតចេញមានដូចជា ៖

• រៀបចំទីកន្លែង
• ប្រមូលសំបុត្រទាំងអស់
• បត់សំបុត្រ
• បិទស្រោមសំបុត្រដើម្បីរក្សាសុវត្ថិភាព
• ចុះបញ្ជីសំបុត្រចេញ ។

៤៥- ប្រភេទនិងទំហំនៃអង្គការ ឬក្រុមហ៊ុន ដែលអ្នកធ្វើការជាមួយ និងមានការគ្រប់គ្រង Petty Cash ខុសៗគ្នាមានដូចជា ៖

• ចំនួននៃការគ្រប់គ្រងដែលត្រូវកំណត់រក្សាទុក
• ប្រភេទនៃការចំណាយដែលត្រូវទូទាត់ដោយការគ្រប់គ្រង Petty Cash ។

តភាគ