ជំរឿនផ្តល់ទិន្នន័យដ៏មានប្រយោជន៍និងគម្រងទៅរកតម្រូវការចាំបាត់ ។ តើការធ្វើជំរឿនផ្តល់ប្រយោជន៍អ្វីខ្លះ ដល់ក្រសួងអ់ប់រំ យុវជន និងកីឡា ?

ជំរឿនផ្តល់ទិន្នន័យដ៏មានប្រយោជន៍ និងតម្រងទៅរកតម្រូវការចាំបាច់ ។ ជំរឿនជាការរាប់ចំនួនប្រជាជនទាំងប្រុសស្រី ក្មេងចាស់ រួមទាំងកុមារទាំងអស់ក្នុងប្រទេសមួយក្នុងដំណាក់កាលមួយ ដើម្បីប្រមូលទិន្នន័យចាំបាច់សម្រាប់ប្រើប្រាស់ក្នុងការធ្វើផែនការអភិវឌ្ឍ ។ ជំរឿនបានផ្តល់ទិន្នន័យ ដ៏មានប្រយោជន៍ដូចជា ព័ត៌មានអំពីនិន្នាការកំណើតប្រជាជន រចនាសម្ព័ន្ធអាយុ កម្រិតអាយុកាលអត្រាមរណប្រមាណ អត្រាកំណើត ចលនាបម្លាស់ទីលំនៅនិន្នាការនគរូបនីយកម្ម ហើយនិងចិរកលក្ខណៈដទៃទៀត ររបស់ប្រជាជន ។ ការធ្វើជំរឿនផ្តល់ប្រយោជន៍ដល់ក្រសួង អប់រំ យុវជន និងកីឡា តាមរយៈការផ្តល់ទិន្នន័យអំពី៖

• ចំនួនកុមារ ( ពី ០ ឆ្នាំ ដល់ ១៨ឆ្នាំ សរុបធៀបនិងចំនួនមនុស្សពេញវ័យសរុប
• ចំនួនកុមារដែលដល់អាយុចូលរៀន និងចំនួនកុមារដែលបានរៀនចប់បឋមសិក្សា
• ចំនួនគ្រូបង្រៀនដែលមានធៀបទៅនិងសិស្សដែលកំពុងរៀននៅក្នុងសាលា
• ចំនួនសាលារៀនតាមកម្រិតសិក្សានីមួយៗ ដែលមាននៅតាមមូលដ្ឋាន ឬតំបន់នីមួយៗ
• ចំនួនកុមារតាមកម្រិតអាយុនីមួយៗ ដែលកំពុងសិក្សានិងដែលនៅក្រៅសាលា
• កម្រិតជីវភាពរបស់ប្រជាជនៅតាមមូលដ្ឋាននីមួយៗតាមរយៈការវិភាគទិន្នន័យសំខាន់ៗដែលទទួលបានពីការ​ធ្វើឡើង ក្រសួងអប់រំយុវជន និងកីឡាមានលទ្ធភាពនិងបំពេញបានត្រូវការចាំបាច់របស់មូលដ្ឋានឬតំបន់នីមួយៗតាមរយៈការលើក និងអនុវត្តផែនការបន្ត សម្រាប់អភិវឌ្ឍវិស័យអប់រំ ។