វិញ្ញាសាប្រវត្តិវិទ្យា ប្រឡងឆមាសលើកទី២ ថ្នាក់ទី១២ ២៥ មិថុនា ២០១២ (ថ្នាក់វិទ្យាសាស្ត្រ)

ប្រឡងឆមាសលើកទី២ ថ្នាក់ទី១២
សម័យប្រឡងៈ ២៥ មិថុនា ២០១២
វិញ្ញាសាៈ ប្រវត្តិវិទ្យា (ថ្នាក់វិទ្យាសាស្ត្រ)
រយៈពេលៈ ៦០នាទី
ពិន្ទុៈ ៥០ពិន្ទុ

I.(៦ពិន្ទុ)

   ១.ចាប់ពីចុងសតវត្សទី២០ និងបន្តរហូតដល់ពេលបច្ចុប្បន្ននេះ តើកំណើនប្រជាជនក្នុងពិភពលោកបានលេចឡើងនូវបញ្ហាអ្វីខ្លះ?

   ២.ដើម្បីឱ្យប្រជាជនមានអាយុវែង តើប្រទេសជឿនលឿនមានលទ្ធភាពដោះស្រាយនូវបញ្ហាអ្វីខ្លះ

II.(៨ពិន្ទុ)

   ១.តើសម័យសង្គមរាស្ត្រនិយមចាប់ផ្តើមពីឆ្នាំណា និងបញ្ចាប់នៅឆ្នាំណា?

   ២.នៅសម័យសង្គមរាស្ត្រនិយម សមាជជាតិជាអ្វី?

   ៣.តើសមាជជាតិសម័យសង្គមរាស្ត្រនិយម សម្រេចបានសមិទ្ធផលអ្វីខ្លះ?

III.(៩ពិន្ទុ) ហេតុអ្វីបានជារបបសាធារណខ្មែរដួលរលំ?

IV.(១២ពិន្ទុ) ក្នុងរបបកម្ពុជាប្រជាធិបតេយ្យ

   ១.តើប្រទេសកម្ពុជាចែកជាប៉ុន្មានតំបន់? ប៉ុន្មានភូមិភាគ?

   ២.តើប្រជាជនកម្ពុជាចែកជាវណ្ណៈអ្វីខ្លះ? តើវណ្ណៈនីមួយៗមានលក្ខណៈដូចម្តេច?

   ៣.តើវប្បធម៌ខ្មែរមានលក្ខណៈដូចម្តេច?

V.(១៥ពិន្ទុ)

   ១.តើប្រទេសកម្ពុជាស្ថិតនៅក្រោមអាណានិគមបារាំងពីឆ្នាំណា ដល់ឆ្នាំណា?

   ២.ហេតុអ្វីបានជាបារាំងយល់ព្រមប្រគល់ឯករាជ្យដល់ប្រទេសកម្ពុជានៅឆ្នាំ១៩៥៣?

   ៣.តើលទ្ធផលវិជ្ជមាន និងអវិជ្ជមាននៃកំណែទម្រង់របស់បារាំងមកលើប្រទេសកម្ពុជាមានអ្វីខ្លះ?

ចម្លើយ

I.(៦ពិន្ទុ)

១.ចាប់ពីចុងសតវត្សទី២០ និងបន្តរហូតដល់ពេលបច្ចុប្បន្ននេះ កំណើនប្រជាជនក្នុងពិភពលោកបានលេចឡើងនូវបញ្ហា៖

• សុវត្ថិភាពស្បៀងអាហារ
• បញ្ហាឧបត្ថមថាមពល
• បញ្ហាជនអន្តោប្រវេសន៍
• បញ្ហាបរិស្ថាន

២.ដើម្បីឱ្យប្រជាជនមានអាយុវែង តើប្រទេសជឿនលឿនមានលទ្ធភាពដោះស្រាយនូវបញ្ហា៖

• សុខាភិបាល
• សិក្សាធិការ
• ការថែរទាំបរិស្ថានធម្មជាតិបានល្អ

II.(៨ពិន្ទុ)

១.សម័យសង្គមរាស្ត្រនិយមចាប់ផ្តើមពីឆ្នាំ ១៩៥៥ និងបញ្ចាប់នៅឆ្នាំ ១៩៧០។

២.នៅសម័យសង្គមរាស្ត្រនិយម សមាជជាតិជា គឺជាស្ថាប័ននយោបាយរដ្ធ ដែលទាមទារឱ្យមានជំនួបប្រជាពលរដ្ធជាមួយនឹងមន្ត្រីរដ្ធាភិបាល និងសមាជិកសភា ដើម្បីពិភាក្សាអំពីប្រយោជន៍ជាតិរួម។

៣.សមាជជាតិសម័យសង្គមរាស្ត្រនិយម សម្រេចបានសមិទ្ធផលដូចជា៖

• ការប្រឆាំងនឹងអំពើពុករលួយ
• ការកំណត់ភាសាខ្មែរជាភាសាផ្លូវការ

III.(៩ពិន្ទុ) បានជារបបសាធារណខ្មែរដួលរលំព្រោះ

• ដោយសារប្រជាជនក្នុងតំបន់រំដោះក៏ដូចនៅក្រុងភ្នំពេញនឿយណាយនឹងរបបសាធារណរដ្ធខ្មែរ ដែលប្រកបដោយអំពើពុករលួយ និងពោរពេញដោយភាពអាប់អួរ
• អ្នកដឹកនាំគ្មានសមត្ថភាព
• មុនថ្ងៃរំដោះខ្មែរក្រហមបានដាក់មិនគ្រប់ច្រកល្ហកដើម្បីកាត់ផ្តាច់ផ្លូវចូលមកទីក្រុងភ្នំពេញ
• ពួកកុំមុយនីសខ្មែរបានរឹតបន្តឹងការឡោមព័ទ្ធទីក្រុងភ្នំពេញ
• រដ្ធាភិបាលរស់បានដោយពឹកផ្នែកលើជំនួយពីសហរដ្ធអាមេរិក
• ថ្ងៃទី ១៧ មេសា ១៩៧៥ ពួកខ្មែរក្រហមបានដើរចូលកាន់កាប់ទីក្រុងភ្នំពេញ

IV.(១២ពិន្ទុ) ក្នុងរបបកម្ពុជាប្រជាធិបតេយ្យ

១.ប្រទេសកម្ពុជាចែកជា ៣២ តំបន់ និង ៦ ភូមិភាគ

២.ប្រជាជនកម្ពុជាចែកជាពីរវណ្ណៈ គឺ៖

• ប្រជាជនមូលដ្ធាន ឬប្រជាជនចាស់គឺប្រជាជននៅតាមជនបទ (មុនថ្ងៃទី ១៧ មេសា ១៩៧៥)។ ចែកជាពីរ៖

            ១.ប្រជាជនពេញសិទ្ធិ៖ ប្រជាជនដែលគ្មានសាច់ញាតិធ្វើក្នុងរបបលន់​ នល់ (មានសិទ្ធិបោះឆ្នោត និងឈរឈ្មោះឱ្យគេបោះឆ្នោត ជាប្រធានសហករណ៍ ប្រធានកងផ្សេងៗ)។

            ២.ប្រជាជនត្រៀម៖ ប្រជាជនដែលមានសាច់ញាតិធ្វើការក្នុងរបបលន់ នល់

• ប្រជាជនថ្មី ឬប្រជាជន ១៧ មេសា គឺប្រជាជនដែលជម្លៀសចេញពីទីក្រុង ឬទីប្រជុំជននានា។

៣.វប្បធម៌ខ្មែរមានលក្ខណៈ៖

• ខុសពីប្រពៃណីវប្បធម៌ខ្មែរ
• ជាវប្បធម៌ពួកបដិវ​ត្តន៍
• គ្មានជំនឿសាសនា (ផ្សឹកលោកសង្ឃ កំទេចវត្តអារាម)
• អាពាពិហ៍ពិពាហ៍ រៀបចំខុសពីប្រពៃណីទំនៀមទម្លាប់ខ្មែរ
• ការអប់រំ គឺបណ្តុះបណ្តាលកុមារឱ្យជឿជាក់ដាច់ខាតចំពោះអង្គការ គ្មានសាលារៀន
• សិល្បៈ ចំរៀង របាំ គឺបម្រើឱ្យអង្គការ គ្មានលក្ខណៈប្រពៃណី ទំនៀមទម្លាប់ខ្មែរឡើយ

V.(១៥ពិន្ទុ)

១.ប្រទេសកម្ពុជាស្ថិតនៅក្រោមអាណានិគមបារាំងពីឆ្នាំ ១៨៦៣ ដល់ឆ្នាំ ១៩៥៣។

២.បានជាបារាំងយល់ព្រមប្រគល់ឯករាជ្យដល់ប្រទេសកម្ពុជានៅឆ្នាំ១៩៥៣ ព្រោះ

• បារាំងចុះខ្សោយក្រោយសង្គ្រាមលោកលើកទី ២
• ឥទ្ធិពល និងជំនួយឧបត្ថម្ភពីបណ្តាប្រទេសសង្គមនិយម ពិសេសសហភាពសូវៀត
• មានការគាំទ្រពីអង្គការសហប្រជាជាតិ សហរដ្ធអាមេរិក និងសូវៀត
• បារាំងជាប់ដៃធ្វើសង្គ្រាមជាមួយវៀតណាម
• ចលនាខ្មែរវៀតមិញ និងខ្មែរឥស្សរៈ គាបសង្កត់បារាំង
• កម្លាំងសាមគ្គីថ្លៃក្នុងមានសន្ទុះខ្លាំងក្លា
• ព្រះរាជបូជនីយកិច្ចទាមទារឯករាជ្យដឹកនាំដោយសម្តេចនរោត្តម សីហនុ

៣.លទ្ធផលវិជ្ជមាន និងអវិជ្ជមាននៃកំណែទម្រង់របស់បារាំងមកលើប្រទេសកម្ពុជាមាន៖

ផលវិជ្ជមាន៖

• បារាំងបានស្រាវជ្រាវ និងចងក្រងប្រវត្តិសាស្ត្រខ្មែរ
• បារាំងជួយអភិរក្ស និងផ្សព្វផ្សាយវប្បធម៌ ប្រពៃណីខ្មែរ
• បារាំងបានជួយទាមទារខេត្តខ្មែរមួយចំនួនពីសៀមមកវិញតាមរយៈកិច្ចព្រមព្រៀងឆ្នាំ ១៩០៤ និង ១៩០៧ ដូចជាម្លូព្រៃ ស្ទឹងត្រែង បាត់តំបន់ សៀមរាប
• ធ្វើទំនើបកម្មប្រព័ន្ធអប់រំ កសាងសាលារៀន មន្ទីរពេទ្យ រៀបចំរចនានុក្រមខ្មែរ
• ធ្វើកំណែទម្រង់វិស័យរដ្ធបាល សេដ្ធកិច្ច និងកសិកម្ម
• កសាងហេដ្ធារចនាសម្ព័ន្ធដូចជាកសាផ្លូវថ្នល់ ស្ពាន រថភ្លើង

ផលអវិជ្ជមាន៖

• បារាំងបានធ្វើឱ្យសង្គមខ្មែរកាន់តែក្រឡើងៗ តាមរយៈទម្ងន់ពន្ធដារច្រើនប្រភេទចាប់ពីពន្ធស្រូវ សត្វពាហនៈ
• បារាំងបានកេណ្ឌប្រជាពលរដ្ធខ្មែរឱ្យបម្រើយោជាបារាំងក្នុងសង្គ្រាមលោកលើកទី១ ទី២ (ស្លាប់ក្នុងសមរភូមិ)
• បារាំងបានកាត់ទឹកដីខ្មែរក្រោម និងដាឡាក់ឱ្យទោស្តេចយួនបាវ ដាយ (១៩៤៧) និងខេត្តត្រាចឱ្យសៀម។
• ព្រមទាំងប្រមូលយកវត្ថុកេតនភណ្ឌរបស់ខ្មែរទៅស្រុកបារាំង