ទាក់ទងទៅនឹងបញ្ហាសិទ្ធិនារីតើរដ្ឋដែលជាភាគីហត្ថលេខីត្រូវមានកាតព្វកិច្ចអ្វីខ្លះ ?

បណ្តារដ្ឋជាភាគីហត្ថលេខីទាំងឡាយត្រូវមានកាតពកិច្ចអនុវត្តគោលការណ៍ ដែលមានចែងក្នុងសេចក្តីប្រកាសស្តីពីការបំបាត់រាល់ទម្រង់ នៃការរើសអើងប្រឆាំងនឹងនារីភេទអនុម័តវិធានការចាំបាច់នានា ដើម្បីលុបបំបាត់ចោលការរើសអើងគ្រប់ទម្រង់ ។ រដ្ឋជាភាគីត្រូវផ្តន្ទាទោសការរើសអើងប្រឆាំងនឹងនារីភេទគ្រប់ទម្រង់ដោយសន្យាថា ៖

• បញ្ចូលគោលការណ៍ សមភាពរវាងបុរសនារីក្នុងរដ្ឋធម្មនុញ្ញ ឬច្បាប់ជាតិសមស្របឯទៀត។
• អនុម័តបទបញ្ញត្តិនិងវិធានការច្បាប់ឬវិធានការសមស្របផ្សេងៗរួមទាំងទណ្ឌកម្មផងបើចាំបាច់ដើម្បីហាមឃាត់ការរើសអើងទាំងអស់ប្រឆាំងស្តីភេទ។
• បង្កើតកិច្ចការពារនារីតាមផ្លូវច្បាប់ ដោយផ្អែកលើមូលដ្ឋានសមភាពជាមួយបុរសនិងធានាការពារដោយសក្តិសិទ្ធិដល់នារីប្រឆាំងអំពើរើសអើង តាមរយៈសាលាជម្រះក្តីជាតិដែលមានសមត្ថកិច្ច និងស្ថាប័នសាធារណៈដទៃទៀត ។
• ចាត់វិធានការសមស្របទាំងអស់ ដើម្បីលុបបំបាត់ចោលការរើសអើងប្រឆាំងនារីដែលធ្វើឡើងដោយបុគ្គលអង្គការឬប គ្រាសណាមួយ ។
• ចាត់វិធានការសមស្របទាំងអស់ រួមទាំងការធ្វើច្បាប់ផងដើម្បីកែប្រែ ឬដាក់ឲ្យនិរាករណ៍ ច្បាប់ បទបញ្ជា ទម្លាប់និងការអនុវត្តណាដែលបង្កើតការរើសអើងប្រឆាំងនារី ។