ចូរនិយាយពីរចនាសម្ព័ន្ធរបស់សាលាជម្រះក្តីនិងសមាសភាពដឹកនាំ ។

រចនាសម្ព័ន្ធរបស់សាលាជម្រះក្តី ៖

សាលាជម្រះក្តីជាន់ទាប ឬសាលាដំបូង

+ តុលាការរាជធានី ខេត្ត

• ប្រធានតុលាការមួយរូប

• អនុប្រធានតុលាការមួយរូប ឬច្រើនរូប
• អយ្យការអមតុលាការមាន ព្រះរាជអាជ្ញាមួយរូបជាប្រធាននិងព្រះរាជអាជ្ញារង មួយរូបឬ ច្រើនរូប ។

+  តុលាការយោធា មានបុគ្គលិកជាយោធាទាំងអស់មានប្រធានម្នាក់ អនុប្រធាន និងចៅក្រម ។ នៅអមតុលាការយោធាមាន តំណាងអយ្យការដែលមានព្រះរាជ អាជ្ញា ព្រះរាជអាជ្ញារងជាច្រើនរូប ។

សាលាជម្រះក្តីជាន់ខ្ពស់

+  សាលាឧទ្ធរណ៍ ចែកជាផ្នែករដ្ឋប្បវេណី ព្រហ្មទណ្ឌរដ្ឋបាលនិងផ្នែកពាណិជ្ជកម្ម ។

• ប្រធានតុលាការមួយរូប អនុប្រធាន និងចៅក្រមច្រើនរូប
• អគ្គព្រះរាជអាជ្ញាមួយរូបជាប្រធាន អគ្គព្រះរាជអាជ្ញារងនិងព្រះរាជអាជ្ញាជា ច្រើនរូប ។

តុលាការកំពូល

• ប្រធានមួយរូប អនុប្រធាន និងចៅក្រមជាច្រើនរូប។
• អគ្គព្រះរាជអាជ្ញាអមតុលាការកំពូលដឹកនាំដោយអគ្គព្រះរាជអាជ្ញាមួយរូបជា ប្រធាន អគ្គព្រះរាជអាជ្ញារងនិងមានព្រះរាជអាជ្ញាជាច្រើនរូប។

+  អង្គការអយ្យការ  នៅគ្រប់សាលាជម្រះក្តីទាំងអស់តែងមានអង្គការអយ្យការនៅអមជានិច្ច ។ គ្រប់អង្គការអយ្យការមានចៅក្រមអយ្យការជាតំណាងដែលមានងារផ្សេងៗ គ្នាទៅតាមសាលាជម្រះក្តីនីមួយៗ ។ ចៅក្រមអយ្យការមាន ៖

• ព្រះរាជអាជ្ញានិងព្រះរាជអាជ្ញារងនៅអមសាលាដំបូង ។
• អគ្គព្រះរាជអាជ្ញាអគ្គព្រះរាជអាជ្ញារងនិងព្រះរាជអាជ្ញានៅអមសាលាឧទ្ធរណ៍ ។
• អគ្គព្រះរាជអាជ្ញាអគ្គព្រះរាជាអាជ្ញានៅអមតុលាការកំពូល ។

+  ក្រឡាបញ្ជី មាននៅគ្រប់សាលាជម្រះក្តីហើយ មានតួនាទីជាជំនួយការរបស់ចៅក្រមនិងព្រះរាជអាជ្ញ ា។