វិញ្ញាសាវប្បធម៌ត្រៀមប្រឡងក្របខណ្ឌផ្ទៃក្នុងវិស័យអប់រំ (វិញ្ញាសាទី២៦)

សំនួរ

១. តើសមធម៌យេនឌ័រគឺជាអ្វី ?

២. តើត្រូវបញ្ជ្រាបយេនឌ័រទៅក្នុងការកសាងផែនការអភិវឌ្ឍយ៉ាងដូចម្តេចខ្លះ ?

៣. តើហេតុអ្វីចាំបាច់ត្រូវស្វែងរកការគាំទ្រ ?

៤. តើអាំងឌីកាទ័រ និងស្ថិតិ ខុសគ្នាត្រង់ណាខ្លះ ?

៥. តើ “កែវឆ្លុះគឺជាអ្វី” ?

ចម្លើយ

១. សមធម៌យេនឌ័រ គឹជាលំនាំប្រកាន់យកនូវភាពត្រឹមត្រូវយុត្តិធម៌ចំពោះបុរស និងស្រ្តី ។ ដើម្បីធានាបាននូវភាពត្រឹមត្រូវ យុតិ្តធម៌ វិធានការត្រូវអនុវត្តនៅនឹងកន្លែង ធ្វើឱ្យមានភាពស្មើគ្នាសម្រាប់ជនងាយរងគ្រោះ ទាំងបុរស និងស្រ្តី កុមារា និងកុមារី ដើម្បីបង្ការលើការអនុវត្ត ដែលមានភាពរើសអើង ។

២. ការបញ្ជ្រាបយេនឌ័រទៅក្នុងការកសាងផែនការអភិវឌ្ឍ ៖

• ការវាយតម្លៃប៉ាន់ប្រមាណ
• ការអភិវឌ្ឍគោលដៅ និងវត្ថុបំណង
• ការកំណត់មុខសញ្ញា
• គោលនយោបាយ យុទ្ធសាស្ត្រ និងសកម្មភាព ។

៣. ហេតុដែលត្រូវមានការស្វែងរកការគាំទ្រដើម្បីធ្វើឱ្យមាន ៖

• ការផ្លាស់ប្តូរឥរិយាបថ ឬកែលម្អ
• ការចូលរួមគាំទ្រ និង សហការ
• យុទ្ធសាស្ត្រយកប្រៀបលើការប្រឈម ឬប្រឆាំងតវ៉ា ។

៤. ក. ស្ថិតិ ជាបច្ចេកទេសវិទ្យាសាស្ត្រមួយដែលប្រើប្រាស់តួលេខជាមូលដ្ឋានអធិប្បាយនូវបាតុភូតអ្វីមួយដែលបានកើតមានឡើងនៅទីកន្លែងណាមួយ ក្នុងពេលវេលាមួយជាក់លាក់ ​។

ខ. អាំងឌីកាទ័រ ជាផ្នែកមួយនៃទិន្នន័យដែលសង្ខេបព័ត៌មានជាច្រើនបញ្ចូលគ្នា ។

៥. កែវឆ្លុះយេនឌ័រ គឺជាឩបករណ៍ដែលរាជរដ្ឋាភិបាលអង្គការក្រៅរដ្ឋាភិបាលប្រើប្រាស់នៅក្នុងការប្រតិបត្តិការការងារ ។