តើសិទ្ធិ និងការទទួលខុសត្រូវមានទំនាក់ទំនងគ្នាដូចម្តេចខ្លះ ? ចូរឱ្យឧទាហរណ៍ ។

សិទ្ធិ និងការទទួលខុសត្រូវមានទំនាក់ទំនងគ្នាទៅវិញទៅមកដូចជា មនុស្សគ្រប់រូបសុទ្ធអាចធ្វើអ្វីៗ បានដោយសេរី ។ ប៉ុន្តែគេត្រូវមានការទទួលត្រូវចំពោះសកម្មភាពរបស់ខ្លួនដាច់ខាត ។ មនុស្សម្នាក់ៗមានសិទ្ធិនិយាយស្តី តែក៏ត្រូវដឹងថា ការនិយាយស្តីនើមិនត្រូវ ធ្វើឱ្យខូចដល់កិត្តិយស កេរ្តិ៍ឈ្មោះ ឬធ្វើឱ្យខូចប្រយោជន៍របស់អ្នកដទៃ ដោយសារការនិយាយរបស់ខ្លួននោះទេ ។ ចំពោះអ្នកដែលត្រូវគេនិយាយមិនល្អ ឬ បើកកាយអាថ៍កំបាំងរបស់ខ្លួន នោះគេក៏មានសិទ្ធិការពារសេចក្តីថ្លៃថ្នូរ ឬកិត្តិយសរបស់គេដែរ ។ នៅពេលគេប្តឹង ការទទួលខុសត្រូវរបស់យើងគឺ ការសងជម្ញឺចិត្ត និងត្រូវសុំទោសគេវិញឱ្យស្របតាមច្បាប់ ។ ដូចនេះមនុស្សម្នាក់ៗអាចមានសិទ្ធិនិយាយអ្វីក៏បាន តែត្រូវមានការទទួលខុសត្រូវក្នុងការនិយាយស្តីក្នុងក្របខ័ណ្ឌសីលធម៌ និងសច្ចធម៌ ។ ឧទាហរណ៍ អ្នកសារព័ត៌មាន ហ៊ានចុះផ្សាយអត្ថបទអ្វីមួយ គឺត្រូវតែហ៊ានទទួលខុសត្រូវចំពោះផលអាក្រក់ផ្សេងៗ ដែលអាចកើតចេញពីអត្ថបទនោះ ឬត្រូវហ៊ានទទួលខុសត្រូវចំពោះមុខច្បាប់ ។