ដើម្បីទទួលបានការអនុម័តច្បាប់មួយ និងអាចយកទៅប្រើប្រាស់ជាផ្លូវការបាន តើត្រូវឆ្លងកាត់តាមរយៈស្ថាប័នណាខ្លះ ?

ដើម្បីទទួលបានការអនុម័តច្បាប់មួយ និងអាចយកទៅប្រើប្រាស់ជាផ្លូវការបាន ត្រូវឆ្លងកាត់តាមរយៈស្ថាប័ន ៖

ក. ស្ថាប័ននីតិប្រតិបត្តិ (រាជរដ្ឋាភិបាល)

• រៀបចំពង្រាងច្បាប់បានលើកឡើងដោយរដ្ឋមន្ត្រីជាសាមីក្រសួងនិងបញ្ជូនទៅរដ្ឋមន្ត្រី ដែលមានការពាក់ព័ន្ធក្នុងការអនុវត្ត ។
• ពិភាក្សាលើពង្រាងច្បាប់នោះ ក្នុងកិច្ចប្រជុំអន្តរក្រសួង ឬជាមួយក្រសួងពាក់ព័ន្ធ ។
• សិក្សាពង្រាងច្បាប់នោះដោយអគ្គលេខាធិការនៃរាជរដ្ឋាភិបាលដើម្បី ធានាថាច្បាប់ដែលបានស្នើឡើងនោះត្រឹមត្រូវស្របតាមច្បាប់រដ្ឋធម្មនុញ្ញហើយ ឬនៅ ?
• ពិនិត្យ និងអនុម័តពង្រាងច្បាប់នោះដោយគណៈរដ្ឋមន្រ្តី ។
• ដាក់ពង្រាងច្បាប់នោះជូនសភាជាតិ ។

ខ. ស្ថាប័ននីតិបញ្ញត្តិ (រដ្ឋសភា និងព្រឹទ្ធសភា )

• គណៈកម្មាធិការអចិន្តៃ្រ ត្រូវបញ្ជូនច្បាប់នេះទៅគណៈកម្មាធិការ​ ឯកទេសដែលពាក់ព័ន្ធដើម្បីពិនិត្យ ។
• ពិនិត្យ និងអនុម័តច្បាប់នេះក្នុងសម័យប្រជុំពេញអង្គនៃរដ្ឋសភា ។
• បញ្ជូនច្បាប់នេះទៅព្រឹទ្ធសភាពដើម្បីពិនិត្យ និងអនុម័ត
• ជូនក្រុមប្រឹក្សាធម្មនុញ្ញពិនិត្យនិងអនុម័តចុងក្រោយ ។

គ. ស្ថាប័នព្រះមហាក្សត្រ

• ព្រះមហាក្សត្រទត និងឡាយព្រះហស្ថចុះព្រះរាជក្រម ប្រកាសឱ្យប្រើច្បាប់ (ច្បាប់ត្រូវចូលជាធរមាន) ។