តើមនុស្សម្នាក់ៗត្រូវមានមូលដ្ឋានអ្វីខ្លះ ក្នុងការបំពេញការងារដើម្បីទទួលបានលទ្ធផលល្អ ? ចូរបញ្ចក់ពីមូលដ្ឋាននីមួយៗអោយបានច្បាស់លាស់ ។

មនុស្សម្នា់ៗអាចបំពេញការងារបានទទួលលទ្ធផលល្អលុះត្រាណាតែមនុស្សម្នាក់ៗមានមូលដ្ឋា្ននដូចខាងក្រោ​មៈ

• សមត្ថភាពៈ គឺមានចំណេះដឹងខាងមុខជំនាញណាមួយច្បាស់លាស់ ពិតប្រាកដទើបលទ្ធផលការងារមានន័យលនិងទទួលបានទិន្នផលខ្ពស់ ។
• បទពិសោធន៍ៈ គឹការអនុវត្តយូរឆ្នាំរឺច្រើនលើកច្រើនគ្រារាល់ការងារដែលខ្លួនធ្លាប់បានបំពេញ ។ ចំពោះមនុស្សដែលមានបទពិសោធន៍ ហើយតែងតែប្រតិបត្តិការងារមិនថ្លោះធ្លោយរឹមិនខាតបង់ឥតប្រយោជន៍ឡើយ ។
• ឧបនិស្ស័យៈ គឹមានន័យថា មាននិស្ស័យអំណោយផលពីធម្មជាតិ​ ដែលកំលាំងជំរុញមនុស្សអោយស្រឡាញ់ការងារដែលខ្លួនគេកំពុងបំពេញដោយស្មោះស្ម័គ្របំផុត
• ជំហរប្តូរផ្តាច់នឹងការងារៈ គឺបានសេចក្តីថា មានសេចក្តីអំនត់ ព្យាយាម តស៊ូគ្រប់ការលំបាកក្នុងការងារដែលខ្លួនបំពេញនោះ ដោយស្មារតីទទួលខុសត្រូវខ្ពស់
• សីលធម៌ចំពោះការងារៈ គឹមនុស្សមានគំនិត និងឧត្តមគតិច្បាស់លាស់ មិនធ្វើការងារណាដែលទុច្ចរិតគឺធ្វើការងារណាដែលល្អ បំរើប្រយោជន៍មនុស្សទូទៅ ។