តាមទំនៀមទំលាប់ខ្មែរ គេតែងរាប់ខែតាមដំនើរចន្ទគតិដោយគេហៅថា “ខែញី” ខែឈ្មោល” ។ ដូចម្តេចដែលហៅថា “ខែញី” និង ”ខែឈ្មោល” មានដំនើរប្រព្រឹត្តទៅបែបណា ? ដូចម្តេចដែលហៅថា អធិកមាស ? ឆ្នាំមានអធិមាសមានប៉ុន្មានខែ ហើយលើកមួយខែ តើនៅខែណា ?

“ខែញី” គឺខែដែលមានចំនួន ៣០ថ្ងៃ ហៅថា ខែគូ ។ “ខែឈ្មោល” គឺខែផត ដែលមានចំនួន២៩ថ្ងៃ ហៅថាខែសេស ។ តាមទំនៀមទំលាប់ប្រពៃណីខ្មែរថា ៖

• “ខែញី” ជាខែដែលអនុញ្ញាតអោយរៀបពិធីផ្សេងៗបានលើកលែងតែខែភទ្របទ គេមិនអនុញ្ញាតអោយរៀបអាពាហ៍ពិពាហ៍ទេ ព្រោះស្ថិតក្នុងខែព្រុះសង្ឃចូលវស្សា ។
• “ខែឈ្មោល” ជាខែដែលមិនអនុញ្ញាតអោយរៀបចំពិធីផ្សេងៗទេ ដូចជារៀបអាពាហ៍ពិពាហហ៍ លើកផ្ទះ ឡើងផ្ទះ ។
• អធិកមាស ៖ សំដៅខែលើក គឺខែអាសាធទី២ ដែលគេបន្ថែមឡើង ដើម្បីបង្រ្គប់៣៦៥ថ្ងៃតាមចន្ទគតិ ។ ខែអាសាធទី១ហៅថាទុតិយាសាធមាន៣០ថ្ងៃដូចគ្នា ។ ក្នុងឆ្នាំដែលមានអធិកមាស មាន១៣ខែ ហើយគេលើកមួយខែ នៅខែអាសាធ (អាសាធទី១ = ៣០ថ្ងៃ , អាសាធទី២ = ៣០ថ្ងៃ) ។