ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ
សំណួរ
១. តើអ្វីទៅហៅថានិមិត្តរូបារម្មណ៍ ? ចូរផ្គល់ឧទាហរណ៍ ។
២. តើកត្តាអ្វីខ្លះដែលជាប្រភពជំរុញឱ្យមានការកសាងប្រព័ន្ធដឹកនាំពិភពលោកតែមួយ (សាកលភាវូបនីយ៍កម្ម) ?
៣. តើតំបន់មេសូប៉ូតាមីមានទីតាំងភូមិសាស្រ្តដូចម្តេច ?
៤. ចូរនិយាយអំពីស្ថានភាពភូមិសាស្រ្តអ៊ីតាលីបុរាណ ។
៥. ដូចម្តេចដែលហៅថា “អក្សរសិល្ប៍ពុទ្ធនិយមក្លាយ” ?
ចម្លើយ
១. និមិត្តរូបារម្មណ៍ គឺជារូបារម្មណ៍ដែលអ្នកនិពន្ធបង្កើតឡើងដើម្បីធ្វើការតំណាងអ្វីមួយ ទៅនឹងអ្វីមួយផ្សេងទៀតដើម្បីសម្រេចបាននូវទស្សនៈបែបណាមួយ ។
ឧទាហរណ៍ ៖
២. កត្តាដែលជាប្រភពជំរុញឱ្យមានការកសាងនូវប្រព័ន្ធដឹកនាំពិភពលោកតែមួយគឺ ៖
ក. កម្លាំងចលករនៃប្រព័ន្ធសេដ្ឋកិច្ចសាកលលោកដែលជំរុញឱ្យកាន់តែលេចឡើងនូវអស្ថិរភាព និងផលវិបាកចំពោះបញ្ហាផ្ទៃក្នុងប្រទេស និងទំនាក់ទំនងរវាងប្រទេសលើពិភពលោក ។
ខ. កំណើនយ៉ាងខ្លាំងនូវបម្លាស់ប្តូរទីកន្លែងរស់នៅរបស់ប្រជាពលរដ្ឋនៅលើសាកលលោក ។
គ. ការរីកចម្រើនយ៉ាងខ្លាំងនូវប្រព័ន្ធទំនាក់ទំនងទូរគមនាគមន៍អន្តរជាតិ ។
ឃ. ការរីកសាយភាយយ៉ាងខ្លាំង នូវបច្ចេកវិទ្យាទំនើបដែលជានិច្ចកាល បានក្លាយជាឧបករណ៍នយោបាយសកលលោក ។
ង. បញ្ហារួមជាច្រើនបានកើតឡើង ដែលទាមទារឱ្យមានការសម្រេចចិត្តដោះស្រាយបញ្ហទាំងនេះតាមរយៈថ្នាក់ដឹកនាំរាជរដ្ឋាភិបាល អង្គការអន្តរជាតិ សហគមន៍អន្តរជាតិនានា ។
៣. តំបន់មេសូប៉ូតាមី គឺជាទំនាបស្ថិតនៅចន្លោះទន្លេទីកនិងទន្លេអឺប្រាត មានព្រំប្រទល់ខាងជើងជាប់ទៅនឹងភ្នំអាមេនី ខាងត្បូងជាប់នឹងឈូងសមុទ្ទពែក ។ ខាងលិចតំបន់នេះជាវាលខ្សាច់អារ៉ាប៊ី ។ នៅខាងកើតមានប្រទេសអៀរ៉ង់ ដែលខណ្ឌតំបន់មេសូប៉ូតាមីនិងអាស៊ីកណ្តាល ។
មេសូប៉ូតាមី មានអាកាសធាតុក្តៅស្ងួត ពុំសូវមានភ្លៀងធ្លាក់ជោគជាំទេ តែដីនៅតាមដងទន្លេអឺប្រាត និងដងទន្លេទីកប្រកបដោយជីជាតិល្អ ហើយមានទឹកបង្គួរ ជាហេតុធ្វើឱ្យប្រជាជននៅតំបន់នោះអាចប្រកបរបរកសិកម្មបានផលច្រើននិងអាចធ្វើកសិកម្មបានបីដងក្នុង១ឆ្នាំ ។ នៅតំបន់នេះមានកុលសម្ព័ន្ធ រស់នៅយ៉ាងច្រើនក្រុមស្ថិតនៅក្រោមឳវាទរបស់ព្រឹទ្ធាចារ្យ ។ ព្រឹទ្ធាចារ្យមានអំណាចទូលំទូលាយណាស់ គឺអំណាចគ្រប់គ្រងបែបបិតីយការ ។ ក្រោយមកកុលសសម្ព័ន្ធទាំងនោះ បង្កបង្កើតរដ្ឋតូចៗជាច្រើន ក្នុងចំណោមរដ្ឋទាំងនោះមានរដ្ឋបីដែលសំខាន់ជាងគេគឺរដ្ឋស៊ុយមែន រដ្ឋអាស៊ីរី និងរដ្ឋកាល់ដេ ។
៤. និយាយអំពីស្ថានភាពភូមិសាស្រ្តអ៊ីតាលីបុរាណ ៖
ក. ស្ថានភាពភូមិសាស្រ្ត
ប្រទេសអ៊ីតាលី ដូចជាប្រទេសក្រិចដែរ គឺជាឧបទ្វីបមួយនៃសមុទ្ទមេឌីទែរ៉ាណេ ប៉ុន្តែប្រទេសអ៊ីតាលីនាសម័យបុរាណមានទំហំតូចជាងស្ថានពេលបច្ចុប្បន្ន ។ កោះស៊ីស៊ីលត្រូវរាប់បញ្ចូលក្នុងផែនទីអ៊ីតាលីតាំងពីដើមមក ។ ប្រទេសនេះចែកសមុទ្ទមេឌីទែរ៉ាណេជាអាងទឹកពីរមានស្ថានភាពដូចជាស្ពានមួយដែលអាចភ្ជាប់ទ្វីបអឺរ៉ុបទៅនឹងទ្វីបអាព្រិច ។ ស្ថានភាពដ៏ល្អប្រសើរនេះ អាចជួយជនជាតិអ៊ីតាលីក្នុងដំណើរវាយយកតំបន់ជុំវិញសមុទ្ទនេះ មកត្រួតត្រាកាន់កាប់ ។ ដីនៅប្រទេសអ៊ីតាលីពុំសូវមានជីវជាតិទេ ។ ជួរភ្នំអាប៉ិណាំង លាតសន្ធឹងលើឧបទ្វីបអ៊ីតាលី ពីជើងទៅត្បូងមានចង្កេះចោត ហើយសម្បូរទៅដោយថ្ម ។ នៅតាមជើងភ្នំមានទំនាបតូចៗ ។ ទំនាបខ្លះគឺជាតំបន់បឹងបួនៅតាមសមុទ្ទអាឌ្រីយ៉ាទិច និងមាត់សមុទ្ទទីរ៉ែន ។
ខ. ស្ថានភាពប្រវត្ថិសាស្រ្ត
ទីក្រុងរ៉ូម ស្ថិតនៅផ្នែកកណ្តាលនៃប្រទេសអ៊ីតាលីមានចម្ងាយប្រហែល២០គីឡូម៉ែត្រ ពីសមុទ្ទទីរ៉ែន ។ ទីក្រុងរ៉ូមជាឃ្លាំងអំបិលសម្រាប់ចិញ្ចឹមប្រជាជន ដែលរស់នៅតាមទំនាបនិងលើភ្នំអាប៉ិនណាំង ។ តាមរឿងនិទានបានឱ្យដឹងថាទីក្រុងរ៉ូមបានបង្កើតឡើងតាំងពីឆ្នាំ៧៥៣មុនគ.ស ដោយស្នាព្រះហស្ថព្រះបាទរ៉ូមុយលុស ដែលជាប់សាច់ឈាមជាមួយយក្សត្រាទីក្រុងត្រ័រ ព្រះនាមអេនេ ។ តែប្រវត្ថិវិទូបានគូសបញ្ជាក់ថារ៉ូមមុនដំបូង គ្រាន់តែជាភូមិតូចមួយធ្លាប់ឋិតក្រោមការគ្រប់គ្រងពីប្រទេសអេទ្រុស តែបានរំដោះខ្លួនរួច ហើយបានប្រកាសជាសាធារណៈរដ្ឋនៅឆ្នាំ៥០៩មុនគ.ស ។
៥. អក្សរសិល្ប៍ពុទ្ធនិយមក្លាយគឺជាប្រភទអក្សរសិល្ប៍ដែលពុំមាននៅក្នុងគម្ពីរព្រះត្រៃបិតកទេ តែទាក់ទងទៅនឹងទស្សនៈទ្រឹស្តីក្នុងព្រះពុទ្ធសាសនា ។ រឿងនោះគេហៅថា “បញ្ញាសជាតក” ដែលរួមមានទាំងអស់ ៥០ រឿង ៖
អត្ថបទថ្មីៗទាក់ទងបទពិសោធន៍ផ្សេងៗ
Commission on transportation Service VS transportation Service ខុសគ្នាម៉េច( សកម្មភាពអាជីវកម្មសម្បង)?
ដោយ : Mon Piya 7 months ago
ដោយ : Thanakbuth Nut 1 year ago
