វិញ្ញាសាវប្បធម៌ទូទៅពហុជ្រើសរើសពិសេសសម្រាប់ត្រៀមប្រលងគរុកោសល្យ (វិញ្ញាសាទី៣៣)

សំណួរ

១. តើបារាំងចូលគ្រប់គ្រងប្រទេសកម្ពុជាជាដំបូងក្នុងរជ្ជកាលព្រះរាជាខ្មែរអង្គណា ?

២. តើកិច្ចចរចាសន្តិភាពទីក្រុងផែអង់តាដីន័របានប្រព្រឹត្តទៅនៅថ្ងៃខែឆ្នាំណា ?

៣. តើពួកខ្មែរក្រហមចូលកាន់កាប់ប្រទេសកម្ពុជានៅថ្ងៃខែឆ្នាំណា ?

៤. តាមទស្សនៈគរុកោសល្យគុណសម្បត្តិរបស់គ្រូបង្រៀន ឬសាស្រ្តចារ្យមានប៉ុន្មានយ៉ាង ? យ៉ាងដូចម្តេចខ្លះ ?

៥. ចូរប្រៀបធៀបបញ្ញាមនុស្ស និងសត្វ ។

ចម្លើយ

១. បារាំងចូលគ្រប់គ្រងប្រទេសកម្ពុជាជាដំបូងក្នុងរជ្ជកាលព្រះរាជាខ្មែរអង្គនរោត្តម ។

២. កិច្ចចរចាសន្តិភាពទីក្រុងផែអង់តាដីន័របានប្រព្រឹត្តទៅនៅថ្ងៃទី២០ ខែធ្នូ ឆ្នាំ១៩៨៧ ។

៣. ពួកខ្មែរក្រហមចូលកាន់កាប់ប្រទេសកម្ពុជានៅថ្ងៃទី១៧ ខែមេសា ឆ្នាំ១៩៧៥ ។

៤. បើតាមទស្សនៈគរុកោសល្យគុណសម្បត្តិរបស់គ្រូបង្រៀន ឬសាស្រ្តចារ្យមាន៦យ៉ាងគឺ ៖

• គុណសម្បត្តិខាងចិត្ត គរុកោសល្យ
• គុណសម្បត្តិខាងវិធីសាស្រ្តបង្រៀន
• គុណសម្បត្តិខាង ផ្នែកកម្រិតវប្បធម៌
• គុណសម្បត្តិខាងបទពិសោធក្នុងការបង្រៀន
• គុណសម្បត្តិខាង សេចក្តីព្យាយាម និងការអត់ធ្មត់
• គុណសម្បត្តិខាង ផ្នែកសិល្បៈគរុកោសល្យក្នុងការបង្រៀន និងការអប់រំសិស្ស និស្សិត ។

៥. ប្រៀបធៀបបញ្ញាមនុស្សនិងសត្វ ៖

ក. បញ្ញាមនុស្ស

• គ្មានព្រំដែនកំណត់
• មានសម្បទានក្នុងការបង្កើតឧបករណ៍
• មានការវិវត្តឥតឈប់ឈរ
• មានគោលការណ៍អប់រំសីលធម៌
• មានវិចារណញាណ បញ្ហាទ្រឹស្តី ។

ខ. បញ្ញាសត្វ

• បែបអព្ភន្តរញាណ និងរូបី
• មានព្រំដែនកំណត់
• គ្មានសម្បទា
• តាមទម្លាប់
• គ្មានការបង្កើតអ្វីដែលថ្មីទេ ។