វិញ្ញាសាវប្បធម៌ទូទៅពហុជ្រើសរើសពិសេសសម្រាប់ត្រៀមប្រលងគរុកោសល្យ (វិញ្ញាសាទី៥៧)

ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ

សំណួរ

១. មុននឹងចាប់ផ្តើមកសាងគំរោងថាមពលនុយក្លេអ៊ែរក្នុងគោលបំណងសន្តិភាព តើរដ្ឋភាគីនីមួយៗត្រូវធ្វើដូចម្តេច ?

២. តើអាស៊ានមានគោលបំណងយ៉ាងម្តេចខ្លះ ?

៣. ចូរប្រាប់ពីឈ្មោះនិងថ្នាក់ដឹកនាំប្រទេសជាសមាជិករបស់សមាគមប្រជាជាតិអាស៊ីអាគ្នេយ៍ (អាស៊ាន) ឆ្នាំ២០១៧ ។

៤. តើមេដឹកនាំនៃកិច្ចប្រជុំអាស៊ីបូព៌ាលើកទី១ បានលើកឡើងនូវវិស័យកិច្ចសហប្រតិបត្តិការមានចំនួនប៉ុន្មាន ? អ្វីខ្លះ ?

៥. តើធម្មនុញ្ញអាស៊ានមានប៉ុន្មានចំពូក ? ប៉ុន្មានមាត្រា ?

ចម្លើយ

១. មុននឹងចាប់ផ្តើមកសាងគំរោងថាមពលនុយក្លេអ៊ែរក្នុងគោលបំណងសន្តិភាព រដ្ឋភាគីនីមួយៗត្រូវដាក់គម្រោងនោះ ឱ្យមានការវាយតម្លៃអំពីសុវត្ថិភាពយ៉ាងម៉ត់ចត់បំផុតស្របតាមការណែនាំនិងខ្នាតដែលលើកឡើងដោយ IAEA ភ្នាក់ងារថាមពលបរិមាណូអន្តរជាតិអន្តរជាតិ ក្នុងការការពារសុខភាព និងបន្ថយជាអប្បបរមានូវគ្រោះថ្នាក់ដល់ជីវិត និងទ្រព្យសម្បត្តិ ។

២. អាស៊ានមានគោលបំណងដូចតទៅ ៖

ថែរក្សា និងលើកកម្ពស់សន្តិភាព សន្តិសុខ និងស្ថេរភាពនិងពង្រឹងថែមទៀតនូវតម្លៃ ឆ្ពោះទៅរកសន្តិភាពក្នុងតំបន់ ។
លើកកម្ពស់ភាពរឹងមាំនៃតំបន់ តាមរយៈការជុំរញឱ្យកាន់តែខ្លាំងថែមទៀត នូវកិច្ចសហប្រតិបត្តិការផ្នែកនយោបាយសន្តិសុខ សេដ្ឋកិច្ច និងសង្គម វប្បធម៌ ។
រក្សាតំបន់អាស៊ីអាគ្នេយ៍ ជាតំបន់គ្មានអាវុធនុយក្លេរអ៊ែរនិងគ្មានអាវុធប្រល័យលោកផ្សេងៗទៀត ។
ធានាថាប្រជាជននិងរដ្ឋសមាជិកអាស៊ានរស់នៅប្រកបដោយសន្តិភាពជាមួយពិភពលោកទាំងមូល ក្នុងបរិយាកាស យុត្តិធម៌ ប្រជាធិបតេយ្យ និងភាពសុខដុមរមនា ។
បង្កើតទីផ្សាររួមមួយនិងមូលដ្ឋានផលិតកម្មរួម ដែលមានស្ថេរភាពវិបុលភាព មានការប្រកួតប្រជែងខ្ពស់និងសមាហរណកម្មសេដ្ឋកិច្ចជាមួយនឹងការសម្របសម្រួលដ៏មានប្រសិទ្ធិភាព សម្រាប់ពាណិជ្ជកម្មនិងការវិនិយោគដែលក្នុងនោះមានលំហូរដោយសេរីនូវទំនិញ សេវាកម្មនិងវិនិយោគសម្រួលចលនាពាណិជ្ជករ អ្នកមានវិជ្ជាជីវៈអ្នកមានទេពកោសល្យ និងពលករ និងលំហូរដោយម្ចាស់ការនៃទុន ។
កាត់បន្ថយភាពក្រីក្រ និងបង្រួមគម្លាតនៃការអភឥិវឌ្ឍនៅក្នុងតំបន់អាស៊ាន តាមរយៈការជួយគ្នាទៅវិញទៅមកនិងកិច្ចសហប្រតិបត្តិការ ។
ពង្រឹងលទ្ធិប្រជាធិបតេយ្យ លើកកម្ពស់អភិបាលកិច្ចល្អនិងនីតិរដ្ឋ ការពារ និងលើកកម្ពស់សិទ្ធិមនុស្ស និងសេរីភាពជាមូលដ្ឋាន ដោយយកចិត្តទុកដាក់ចំពោះសិទ្ធិ និងការទទួលខុសត្រូវរបស់រដ្ឋសមាជិកអាស៊ាន ។
ឆ្លើយតបយ៉ាងមានប្រសិទ្ធភាព ទៅតាមគោលការណ៍នៃសន្តិសុខពេញលេញ ចំពោះការគំរាមកំហែងគ្រប់រូបភាពឧក្រិដ្ឋកម្ម ឆ្លងដែន និងបញ្ហាប្រឈមឆ្លងដែននានា ។
លើកស្ទួយការអភិវឌ្ឍប្រកបដោយនិរន្តរភាព ដើម្បីធានាការពារបរិស្ថាន តំបន់និរន្តរភាព នៃធនធានធម្មជាតិនិងការអភិរក្សមត៌កវប្បធម៌ និងគុណភាពនៃជីវភាពរស់នៅរបស់ប្រជាជន ។
អភិវឌ្ឍធនធានមនុស្ស តាមរយៈកិច្ចសហប្រតិបត្តិការជិតក្នុងការអប់រំ និងការសិក្សាមួយជីវិតនិងលើផ្នែកវិទ្យាសាស្រ្តនិងបច្ចេកវិទ្យាដើម្បីផ្តល់ជូនប្រជាជនអាស៊ាននិងការពង្រឹងសហគមន៍អាស៊ាន ។
លើកកម្ពស់ភាពសុខដុមរមនា ដែលជីវភាពរស់នៅរបស់ប្រជាជនអាស៊ានដោយការផ្តល់ឱ្យនូវលទ្ធភាព ទទួលបានសមភាព ក្នុងការអភិវឌ្ឍមនុស្ស សុខុមាលភាពសង្គម និងយុត្តិធម៌ ។
ពង្រឹងកិច្ចសហប្រតិបត្តិការ ក្នុងការកសាងបរិស្ថានប្រកប ដោយសុវត្ថិភាព សន្តិសុខ និងភាពគ្មានគ្រឿងញៀន សម្រាប់ប្រជាជនអាស៊ាន ។
ជំរុញការយកចិត្តទុកដាក់ដល់ប្រជាជនអាស៊ានក្នុងនោះគ្រប់ផ្នែកទាំងអស់ នៃសង្គមត្រូវបានលើកទឹកចិត្ត ឱ្យចូលរួម និងទទួលយកផលប្រយោជន៍ពី ដំណើរការសមាហរណកម្ម និងការកសាងសហគមន៍អាស៊ាន ។
ជំរុញអត្តសញ្ញាណអាស៊ាន តាមរយៈការជំរុញឱ្យចម្រើនឡើងនូវការយល់ដឹងអំពីវប្បធម៌និងមត៌កចម្រុះក្នុងតំបន់ ។
ថែរក្សារតួនាទីស្នូលដ៏សកម្មរបស់អាស៊ានជាកម្លាំងចលករដ៏សំខាន់ ក្នុងទំនាក់ទំនង និងសហប្រតិបត្តិការរបស់ខ្លួនជាមួយដៃគូរក្រៅតំបន់ ក្នុងនីម្មាបនកម្ម (ស្ថាបត្យកម្ម) តំបន់ប្រកបដោយ ភាពបើកចំហរ មានតម្លាភាព និងការរួមបញ្ចូលគ្នា ។