ចូរបង្ហាញពីប្រភពនៃពិធីបុណ្យភ្ជុំបិណ្ឌ។

ពិតណាស់ ជាព្រះសមណគោតម បានសម្តែងពីក្រុមញាតិ ព្រះបាទពិម្ពិសាររាជ ជាស្តេចនៅក្នុងប្រទេសឥណ្ឌាមែនដែលបានស៊ីចង្ហាន់បិណ្ឌបាតរបស់ព្រះសង្ឃ ។ លុះរំលងខន្ធបានធ្លាប់ចុះទៅកើតជាសត្វនរក ។ នេះជាឧទាហរណ៍ ឯក្រុមញាតិនៃស្តេចស្រុកខ្មែរ ក៏បានលួចស៊ីចង្ហាន់បិណ្ឌបាតព្រះសង្ឃ ។ លុះរំលងខណ្ធក៏បានទៅកើតជាសត្វនរកដូចគ្នាដែរ ។ លុះព្រះមហាថេរ ព្រះនាមព្រះឧបគុត្តត្ថេរ បាននិមន្តចុះទៅឋាននរកបានជួបនឹងក្រុមញាតិព្រះបាទពិម្ពិសារ ។ ក្រុមព្រះញាតិព្រះបាទពិម្ពិសារមានករលំបាកវេទនាខ្លាំង ក៏បានផ្តាំនឹងព្រះមហាថេរ ព្រះនាមព្រះឧថបគុត្តត្ថេរ ថាសូមឱ្យប្រេះបាទពិម្ពិសារ ធ្វើបុណ្យកាន់បិណ្ឌ និងភ្ជុំបិណ្ឌ សូមឧទ្ទិសកុសលឱ្យទៅយើងខ្ញុំ ឱ្យបានរួចរំដោះផុតចាកទុក្ខវេទនា ឱ្យបានរួចផុតចាកទុក្ខពីសត្វនរកទាំងឡាយផង ។ បើបិនិត្យគម្ពីរខុទ្ទកនិកាយ នៅក្នុងព្រះត្រៃបិដកក្តី នៅក្នុងគម្ពីរធម្មបទភាគ៣ជាដើមក្តី ឃើញមានលំនាំប្រហាក់ប្រហែលគ្នាប៉ុណ្ណោះ មិនមានលក្ខណៈដូចគ្នាបេះបិទទេ ។ សូម្បីប្រពៃណីកាន់បិណ្ឌ និងភ្ជុំបិណ្ឌរបស់ខ្មែរក៏មិនមានលក្ខណៈដូចគ្នានឹងប្រពៃណី កាន់បិណ្ឌនិងភ្ជុំបិណ្ឌរបស់ថៃ ។ ឯពិធីកាន់បិណ្ឌ និងភ្ជុំបិណ្ឌរបស់ថៃ ក៏មិនដូចជាពិធីកាន់បិណ្ឌ ភ្ជុំបិណ្ឌរបស់ឡាវពីព្រោះអ្វី ? ពីព្រោះជនជាតិនីមួយៗ តែងធ្វើតាមទម្លាប់របស់ខ្លួន ។ បើធ្វើដូចគ្នា គេមិនអាចសម្គាល់បានថា ជាប្រពៃណីខ្មែរ ថៃ ឡាវ បានឡើយ ។ ដូចនេះ ប្រពៃណីនៃប្រទេសនីមួយៗ ត្រូវតែមានលក្ខណៈប្លែកពីគ្នា ជារៀងរហូត ។