សត្វឆ្មារក្លាយជាស្រីក្រមុំរូបស្អាត

ព្រះ​ពីរ​អង្គ​កំពុង​តែ​ប្រកែក​គ្នា ដោយ​រឿង​ផ្លាស់​ប្តូរ​ចរិក​​​ពី​កំណើត​របស់​សភាវ​មាន​ជីវិត។

ព្រះ​មួយ​និយាយ​ថា «អាច» តែ​ព្រះ​មួយ​ទៀត​ថា «មិនអាច​ទេ»។ ដូច្នេះ​ គេ​ក៏​សាក​ល្បង​ ដោយ​ជប់​ឲ្យ​ឆ្មារ​ញី​មួយ​ក្លាយ​ជា​ស្រី​ក្រមុំ​ដ៏​ស្អាត​ម្នាក់។ នាង​ត្រូវ​បាន​ព្រះ​ទី​មួយ​ផ្សំផ្គុំ​ជា​មួយ​បុរស​ម្នាក់។ នៅ​ថ្ងៃ​រៀប​អាពាហ៍​ពិពាហ៍ ទាំង​កូន​ក្រមុំ​កូន​កម្លោះ​ អង្គុយ​ហូប​អាហារ។

ព្រះ​ទីមួយ​ក៏​និយាយ​ថា៖ «ឃើញទេ? មើល​តើ​នាង​មាន​ចរិក​យ៉ាង​ម៉េច? នរណា​អាច​ទាយ​ដឹង​ថា​ ម្សិល​មិញ​នាង​ជា​ឆ្មារ​នោះ? ឃើញ​ទេ​ ចរិក​​ពី​កំណើត​អាច​ប្តូរ​ផ្លាស់​បាន។

ព្រះ​ទីពីរ​ក៏​តប​ថា៖ «ឈប់! ចាំ​មើល​សិនទៅ!» ទ្រង់​ក៏​បាន​លែង​កណ្តុរ​មួយ ឲ្យ​រត់​ចូល​ទៅ​ក្នុង​ពិធី ផ្ទុយ​ពី​មនុស្ស​ស្រី​ជា​ច្រើន​ដែល​ខ្លាច​កណ្តុរ​ កូន​ក្រមុំ​បែរ​ជា​លោត​ទៅ​កន្ទ្រប់​ចាប់កណ្តុរ​នោះ​ កាច់​ក​ស៊ី​យ៉ាង​ឆ្ងាញ់។

ព្រះ​ទីពីរ​ក៏​និយាយ​ថា៖ «ឃើញទេ?…

មូលន័យ៖ គេ​មិនអាច​កែ​​ប្រែ​ ចរិក​​​ពី​កំណើត​របស់​មនុស្ស​បាន​ឡើយ

ប្រភព៖ សត្វឆ្មារក្លាយជាស្រីក្រមុំរូបស្អាត